हामी सबैकाे संसारन्यूज

२१ भदौ, काठमाडौँ । राष्ट्रिय समाचार समितिका बरिष्ठ समाचारदाता राजाराम कार्की माथी भौतिक आक्रमण भएको छ।

नेपाल प्रेस युनियनका केन्द्रीय सदस्य समेत रहेका कार्कीको आक्रमणका कारण टाउकोमा गम्भिर चोट लागेको छ भने उनको हाल धुलिखेल अस्पतालमा उपचार भैरहेको जनाइएको छ।

घरायसी प्रयोजनका सामाग्री किनिरहेको अवस्थामा उनीमाथि एक्कासी पछाडीबाट लछारपछार गरी हेलमेटले टाउकोमा प्रहार गरी घाइते बनाइएको प्रेस युनियनका नेता जीवन भण्डारीले बताए ।

आक्रमणकारी सूर्यविनायक नगरपालिका वडा नं १० भक्तपुर निवासी उद्धव कार्कीको पहिचान समेत भइसकेको बताइएको छ ।

नेपाल प्रेस युनियन काभ्रे शाखाले प्रेस विज्ञप्ति जारी गर्दै कार्कीमाथि ज्यान मार्ने उद्देश्यले आक्रमण भएको भन्दा घटनाप्रति भत्सर्ना गरेको छ ।

अध्यक्ष कपिल कोइरालाद्वारा जारी विज्ञप्तिमा आक्रमणकारीलाई तत्काल पक्राउ गरी घटनाको न्यायोचित छानविन गर्दै कडाभन्दा कडा कारवाहीको माग गरिएको छ ।

त्यस्तै नेपाल ट्रेड युनियन काँग्रेस जिल्ला कार्यसमिति काभ्रेले पनि प्रेस विज्ञप्ति निकालेर घटनाको भत्र्सना गरेको छ । युनियनका सचिव नाराण सापकोटाले विज्ञप्तिमा घाइते कार्कीको उपचारको व्यवस्थासहित आगामी दिनमा यस्ता घृणित क्रियाकलाप नदोहो¥याउन नदिन माग गरेका छन् ।