हामी सबैकाे संसारन्यूज

काठमाडौं । संसद र विभिन्न सञ्चार माध्यममा चर्को राष्ट्रियताको नारा लगाउने नेकपा नेतृ एंव प्रतिनिधि सभा सदस्य गंगा चौधरी नै भारतीय दुतावाससँग नजिक रहेको खुलासा भएको छ । जानकारीअनुसार सांसद चौधरीले दुतावासलाई पनि सहयोग गर्ने गरेको र दुतावासबाट पनि सहयोग लिने गरेकी छिन् ।

सांसद चौधरीकै सिफारिसमा उनका श्रीमान नन्दलाल चौधरीले आफ्नो संस्थाको नाममा भारतीय दूतावासमार्फत एम्बुलेन्स पनि लगेको खुल्न आएको छ । जानकारीअुनसार चौधरीको सिफारिसमा भारतीय दुतावासले नन्दलाल अध्यक्ष रहेको जय गुरुदेव मानव धर्म विकास संस्थालाई एम्बुलेन्स दिएको थियो । एम्बुलेन्स तत्कालिन भारतीय राजदुत मञ्जिवसिंह पुरीले हस्तान्तरण गरेका थिए ।

सांसद चौधरी तत्कालिन समाजवादी पार्टीकी नेतृ एंव पूर्व सांसद सरिता गिरीलाई भारतीय दलाल भनेर चर्चामा आएकी थिइन् । उनले प्रतिनिधि सभा र विभिन्न सञ्चार माध्यममा सरिता गिरीलाई भारतीय एजेन्ट भन्दै कारबाही गर्न माग गरेकी थिइन् ।

सांसद चौधरी तत्कालिन नेकपा एमालेको समानुपातिक कोटाबाट प्रतिनिधि सभा सदस्यमा मनोनित नेतृ हुन् । तत्कालिन नयाँ शक्ति पार्टीमा रहँदैको अवस्थामा एमालेको समानुपातिक कोटामा परेकी चौधरी अनौठो गरि एमाले प्रवेश गरेकी थिइन् ।

तत्कालिन एमाले र नयाँ शक्ति दुवैको दलको समानुपातिक सूचीमा उनको नाम परेपछि उनी एमाले हुन् कि नयाँ शक्ति भन्ने अन्यौंलता देखिएको थियो । थरुहट तराई पार्टीका तर्फबाट दोस्रो संविधानसभामा सभासद बनेकी उनी त्यसको केही समय लगत्तै तत्कालिन नयाँ शक्तिमा प्रवेश गरेकी थिइन् ।