Sansar News
२४ भदौ, काठमाडौं । वलिवुड नायक शुसान्त सिंह राजपुत आत्महत्या प्रकरणमा नयाँ नयाँ खुलासा हुँदै गइरहेको छ ।
आत्महत्या गरेको भनिएका नायक सुसान्त सिंहको आत्महत्या प्रकरणको ८४ दिन पछि भारतको नारकोटिक्स कन्ट्रोल व्युरो (एनसीबी) ले उनकी प्रेमिका रिया चक्रवर्तीलाई मंगलबार ड्रग्स केसमा पक्राउ गरेको छ ।
पक्राउ परेपछि एनसीबीकै सेलमा रहेकी रियालाई आज भायखला जेलमा पठाइने भारतीय संचारमाध्यमले लेखेका छन् ।
एनसीबीले रियालाई आइतबारदेखि लगातार सोधपुछ गरेको थियो । सोमबार र मंगलबार झण्डै २० घण्टा गरिएको सवाल जवाफमा रियाले सुसान्तका लागि ड्रग्स खरिद गर्ने गरेको स्वीकार गरेकी छन् । यहि आधारमा उनलाई पक्राउ गरिएको बताइएको छ । साथै रियाले ड्रग्सका लागि पैसा दिने गरेको पनि खुलासा गरेकी छन् । एनसीबीमा रियाले दिएको बयान अनुसार उनी ड्रग्स सिन्डीकेटकी सक्रिय सदस्य रहेकी थिइन् जो ड्रग्सको सप्लाईमा जोडिएका थिए ।
रियाले बयानका क्रममा ड्रग्सको लेनदेनमा सुसान्तका हाउस मेनेजर स्यामुअल मिरान्डा, सहयोगी दीपेश शावन्त र भाइ शोविक चक्रवतीलाई आदेश दिने गरेको बारेमा पनि बताएकी छन् ।
त्यस्तै रियाका भाइ शोविकले पनि जैद, बासित र कैजानमार्फत ड्रग्स मगाउने गरेको स्वीकारेको बताइएको छ । हरेक पटक ड्रग्स डेलिवरी गरिएको र पेमेन्टका बारेमा रियालाई जानकारी रहने गरेको बताइएको छ । धेरैपटक रियाले कुन ड्रग्स लिने र कति पैसा दिने भन्ने बारेमा निर्णय गर्ने गरेको समेत बताइएको छ । ऐजेन्सीको सहयोगमा
वि.सं.२०७७ भदौ २४ बुधवार १०:४६ मा प्रकाशित
