हामी सबैकाे संसारन्यूज

काठमाडौं । अभिनेता सुशान्त सिंह राजपूतको मृत्यु प्रकरणबारे छानविन गरिरहेको नार्कोटिक्स कन्ट्रोल ब्यूरो (एनसीबी)ले अभिनेत्री रिया चक्रवर्तीमाथि ड्रग्स कनेक्सनबारे अनुसन्धान सुरु गरेको छ ।

भारतीय अनलाईन एनडिटिभीले जनाएअनुसार आइतबार नार्कोटिक्स ब्यूरो रियाको घर पुगेर उनलाई छानविनको लागि लगेको हो । यसअघि शनिबार रियाका भाई शौविक चक्रवर्तीलाई पनि छानविनको लागि नार्कोटिक्सले लगेको थियो ।

नार्कोटिक्सले यसअघि नै हाउस म्यानेजर सैमुअल मिरान्डालाई छानविनको लागि नियन्त्रणमा लिएको थियो । उनिमाथि शुक्रबार १० घण्टासम्म सोधपुछ गरिएको थियो ।

एनसीबीले सोविक र सैमुएललाई सेप्टेम्बर ९ सम्मका लागि हिरासतमा राखिने भारतीय मिडियाहरुले उल्लेख गरेका छन् । यी दुईलाई शनिबार अदालतमा पेस गरिएको थियो ।

एनसीबीका अनुसार सोविक सक्रिय रुपमा ड्रग्स सेवन गर्थे । उनी ड्रग्स सिन्डिकेटमा पनि सक्रिय थिए । सोविकले ठूलो मात्रामा ड्रग्सको खरिद कसरी गरे भन्नेतर्फ एनसीबीको अनुसन्धान सुरु भएको छ । सोविकले ड्रग्स खरिदमा रिया पनि संलग्न रहेको कुरा एनसीबीको अगाडि स्वीकारेका छन् ।

गत जुन १४ मा आफ्नै फ्लाटमा मृत अवस्थामा फेला परेका सुशान्त राजपुतको मृत्यु प्रकरणबारे धेरै चरणमा अनुसन्धान भएपनि हालसम्म कुनै पनि निष्कर्ष निस्किएको छैन् । प्रहरी र अनुसन्धान ब्यूरोले पटक–पटक रियासहित उनका परिवारमाथि सोध गरिसकेको छ ।

सम्बन्धित समाचार

सुशान्त सिंहको अडियो क्लिप सामाजिक सञ्जालमा भाईरल, अडियो क्लिपमा अनेकन खुलासा