हामी सबैकाे संसारन्यूज

२५ भदौ, काठमाडौं । हाल मनसुनको न्यून चापीय रेखा औसत भन्दा माथि र नेपाल भन्दा दक्षिण तर्फ अवस्थित छ ।

हाल देशभर सामान्य देखि पूर्ण बदली भइ केही स्थानहरुमा हल्का देखि मध्यम वर्षा भईरहेको छ ।

आज देशभर सामान्यतया बदली रही केही स्थानहरूमा मेघगर्जन\चट्याङ्ग सहित हल्का देखि मध्यम वर्षाको सम्भावना रहेको छ ।

आज प्रदेश १ प्रदेश २, बागमती प्रदेश, गण्डकी प्रदेश र प्रदेश ५ का एक वा दुई स्थानमा भारी वर्षाको सम्भावना रहेकोले शतर्कता अपनाउन मौसम पूर्वानुमान महाशाखाले जनाएको छ ।

‘प्रदेश १, प्रदेश २, बागमती प्रदेश, गण्डकी प्रदेश र प्रदेश ५ का एक वा दुई स्थानमा भारी वर्षाको सम्भावना रहेकोले ती स्थानहरुका नदीमा पानीको बहाव बढ्ने, पहाडी क्षेत्रमा पहिरो जाने, सडक तथा हवाई यातायात प्रभावित हुन सक्ने भएकोले आवश्यक सतर्कता अपनाउन हुन अनुरोध छ ।’ महाशाखाद्धारा जारी सूचनामा भनिएको छ ।

त्यस्तै आज आज कोशी, नारायणी, कन्काई, कमला, बागमती, पूर्वी राप्तीका स-साना नदीजलाधारमा क्षणिक मध्यम÷भारी बर्षा भई बहाब केहि बढ्नेछन् भने केही साना नदीमा आकस्मिक बहाब हुन सक्ने तथा प्रदेश १, बागमती, गण्डकीको मध्यपहाडी, तराई, चुरे भई बहने साना नदीमा बहाव बढ्ने, केहि साना नदीमा आकस्मिक बहाब हुन सक्ने पनि महाशाखाले जनाएको छ ।