हामी सबैकाे संसारन्यूज

काठमाडौं । सत्तारुढ नेकपाका नेता भीम रावलले एमसीसी पास गराउन लागि परेका दलालहरुले आफ्नोबारे कु–प्रचार गरेको भन्दै आक्रोश पोखेका छन् । उनले आफुँ एमसीसी सम्झौताको पक्षमा कहिल्यै पनि नरहेको स्पष्ट पारे ।

सामाजिक सञ्जाल ट्विटरमार्फत उनले भनेका छन्, ‘मैले भन्दै नभनेको कुरा गरी एमसीसी पारित गर्नुपर्छ भने भनी कुप्रचार अभियान चलाउनेहरू एमसीसी पारित गराउन लागिपरेका त्यसकै दलालहरू हुन् ।’

रावलले आफुँ कहिल्यै पनि राष्ट्रिय हित विपरितका सम्झौतामा नरहेको पनि स्पष्ट पारेका छन् । उनले राष्ट्रघाती सम्झौता गराउन खोज्नेको सपना पनि कहिल्यै पुरा नहुने बताए ।

मैले भन्दै नभनेको कुरा गरी एमसीसी पारित गर्नुपर्छ भने भनी कुप्रचार अभियान चलाउनेहरू एमसीसी पारित गराउन लागिपरेका त्यसकै दलालहरू हुन् । यस्ताहरू भीम रावलले देशभक्तिपूर्ण अडान छोडेदेखि नेपालको शीर झुकाउन सजिलो हुन्थ्यो कि भन्ने कुत्सित सपना देखिरहेका छन् जो कहिल्यै पूरा हुने छैन ।

— Bhim Rawal, PhD (@BhimRawal179) September 12, 2020

‘यस्ताहरू भीम रावलले देशभक्तिपूर्ण अडान छोडेदेखि नेपालको शीर झुकाउन सजिलो हुन्थ्यो कि भन्ने कुत्सित सपना देखिरहेका छन् जो कहिल्यै पूरा हुने छैन’, उनले भने ।

शुक्रबार सम्पन्न सत्तारुढ नेकपाको स्थायी समिति बैठकले अमेरिकी सहयोगसम्बन्धी प्रस्ताव मिलेनियम च्यालेन्ज कर्पोरेसन ९एमसीसी)लाई संशोधनसहित पास गर्ने निर्णय गरेको थियो । पार्टी विवाद समाधान कार्यदलको सुझाबअनुसार शुक्रबार बसेको स्थायी समिति बैठकले उक्त निर्णय गरेको थियो ।

स्थायी समिति बैठकले एमसीसीबारे निर्णय गरेसँगै कार्यदलमा समेत रहेको भीम रावलको विषयमा प्रश्न उठेको थियो । कतिपय सञ्चार माध्यमले भीम रावलले एमसीसी पारितमा सहमती जनाएको पनि चर्चा गरेका थिए ।