Sansar News
२८ भदौ, काठमाडौँ । सत्तारुढ नेपाल कम्युनिष्ट पार्टी(नेकपा)का वरिष्ठ नेता माधव नेपालले विधि, नीति र पद्धतिका लाग चल्दै आएको संघर्षले नै एक व्यक्ति एक प्रमुख कार्यकारीमा सहमति हुन सकेको बताएका छन् ।
जनता टेलिभिजनसँग आइतबार साँझ दिएको अन्तरवार्तामा उनले विधि, नीति र पद्धति पूर्णत संस्थागत हुन नसकेपनि प्रयास राम्रो भएको बताएका छन् ।
सो टीभिसँगको अन्तरवार्तामा उनले ‘एक्लो बृहस्पति झुटा’ भएपनि विधिका लागि लडेको इतिहास बताएका थिए । कोके देखि माले, एमाले हुँदै नेकपा सम्मका घटनाक्रम बताउँदै उनले दृढतापूर्वक लडिरहने आफ्नो स्वभाव भएको बताएका थिए ।
पार्टीभित्र प्रचण्ड वा माधव नेपाललाई पद नपुगेर विवाद भएको कुरा अस्वीकार्दै उनले एक व्यक्ति एक प्रमुख जिम्मेवारीबाट पार्टी नयाँ रुपले बढ्ने विश्वास व्यक्त गरेका छन् ।
पूर्व प्रधानमन्त्रीसमेत रहेका नेता नेपालले पार्टीले सरकार चलाउने र विधि, नीति पद्धतिबाट पारदर्शीताको नमुना बनाउने धारणा समेत राखेका थिए ।
वि.सं.२०७७ भदौ २८ आइतवार २१:५५ मा प्रकाशित
