हामी सबैकाे संसारन्यूज

२९ भदौ,रुपन्देही । बुटवल उपमहानगरपालिकाले यी विभिन्न समस्या भएकाहरुको निःशुल्क पिसीआर परीक्षण गरिदिने भएको छ ।

उपमहानगरले आज एक सूचना गरी नेपाल सरकारले तोकेको क्यान्सर, मिर्गौलाको रोग (डायलासिस गर्नुपर्ने), मुटुरोग, पार्किन्सन, अल्जाइमर, स्पाइनल ईन्जुरी, हेड इन्जुरी र सिकलसेल एनिमियाबाट पीडित बुटवल उपमहानगरमा बसोबास गर्ने नगरबासीहरुलाई वडा कार्यालयको सिफारिसमा आवस्यक कागजात तयार गरी यी स्थानमा निःशुल्क रुपमा पिसीआर टेष्टका लागि स्वाव संकलन गर्न भनिएकोले सम्बन्धीत कर्मचारीहरुलाई सम्पर्क गर्न उपमहानगरले अनुरोध गरेको छ ।

शहरी स्वास्थ्य केन्द्र बुटवल ११ बुद्धनगर र सेमलार स्वास्थ्य चौकी बुटवल १४ मा श्वाव संकलन गरिने जानकारी दिँदै अधिकृत यमलाल भुषाललाई ९८४७०६०१४० सम्पर्क गर्न अनुरोध गरिएको छ ।