हामी सबैकाे संसारन्यूज

३० भदौ, काठमाडौं । हाल मनसुनको न्यून चापीय रेखा नेपाल भन्दा दक्षिणतिर रहेको छ । आज देशभर सामान्य बदली रही प्रदेश १, बागमति प्रदेश र गण्डकी प्रदेशका केही स्थानहरु र अन्य प्रदेशका एक\दुई स्थानमा मेघगर्जन\चट्याङ्ग सहित हल्का देखि मध्यम वर्षा भइरहेको छ । साथै प्रदेश १ को झापा आसपासका स्थानहरूमा भारी वर्षा पनि भईरहेको छ ।

जल तथा मौसम पूर्वानुमान महाशाखाका अनुसार आज प्रदेश १, प्रदेश २, वाग्मती प्रदेश र गण्डकी प्रदेशका एक वा दुई स्थानहरुमा भारी वर्षाको सम्भावना रहेको छ । ‘ती स्थानहरुका नदीमा पानीको बहाव बढ्ने, पहाडी क्षेत्रमा पहिरो जाने, सडक तथा हवाई यातायात प्रभावित हुन सक्ने भएकोले आवश्यक सतर्कता अपनाउन पनि महाशाखाले अनुरोध गरेको छ ।

त्यसैगरी आज कोशी, कन्काई, कमला,बागमती र नारायणी जलाधारका केहि स–साना सहायक नदीमा बहाब बढ्ने र केहिमा आकस्मिक बहाब भई सतर्कता पुग्न सक्ने छन् भने आज प्रदेश १, प्रदेश २,बागमती,गण्डकीको चुरे र तराई भई बहने केहि स–साना नदीमा बहाव बढ्ने पनि महाशाखाले जनाएको छ ।