Sansar News
३० भदौँ, काठमाडौँ । भारतमा कोरोना भाइरसको संक्रमणबाट मृत्यु हुनेको संख्या ८० हजार नाघेको छ । सोमबार भारतमा ८१ हजार ९ सय ९१ नयाँ कोरोना संक्रमितहरु थपिएका छन भने संक्रमणबाट १ हजार ५४ जनाको मृत्यु भएको छ ।
यससँगै भारतमा कोरोना भाइरसबाट संक्रमितहुनेको संख्या ४९ लाख ३० हजार २ सय ३६ पुगेको छ भने संक्रमणबाट ८० हजार ८ सय ८ जनाको मृत्यु भएको छ ।
विश्वभरमा कोरोना संक्रमित संख्या २ करोड ९४ लाख ४८ हजार ९ सय ४९ पुगेको छ भने ९ लाख ३२ हजार ८ सय १ जनाको मृत्यु भएको छ ।
वि.सं.२०७७ भदौ ३० मंगलवार ११:५५ मा प्रकाशित
