हामी सबैकाे संसारन्यूज

२ असोज, काठमाडौं । हाल मनसुनको न्यून चापीय रेखा नेपाल भन्दा दक्षिण तर्फ रहेको छ ।

हाल देशभर सामान्य बदली रहि प्रदेश नं ५, गन्डकी प्रदेश, सुदुरपश्चिम प्रदेश र वाग्मति प्रदेशका केहि स्थानहरुमा मेघगर्जन÷चट्याङ्ग सहित हल्का देखि मध्यम वर्षा भइरहेको छ ।

आज दिउँसो देशभर सामान्यतया बदली रही देशका केही स्थानहरूमा मेघगर्जन÷चट्याङ्ग सहित हल्का देखि मध्यम वर्षाको सम्भावना रहेको छ ।

आज प्रदेश १, प्रदेश २, बाग्मती प्रदेश, गण्डकी प्रदेश, प्रदेश ५ का एकदुई स्थानमा भारी वर्षाको सम्भावना रहेकोले ती स्थानका नदीमा पानीको बहाव बढ्ने, पहाडी क्षेत्रमा पहिरो जाने, सडक तथा हवाई यातायात प्रभावित हुन सक्ने भएकोले आवश्यक सतर्कता अपनाउन पनि जल तथा मौसम पूर्वानुमान महाशाखाले जनाएको छ ।

त्यस्तै आज नारायणी, बागमती, कमला, कन्काई र यसको सहायक नदीमा बहाव बढ्ने तर सतर्कता तलै हुने र नारायणीको सहायक नदी पूर्वी राप्तीमा बहाव सतर्कता आसपास हुनेछन् भने सौराहा लगायत चितवन र मकवानपुरको पूर्वी राप्तीको तटिय क्षेत्रमा आज उच्च सतर्कता अपनाउन पनि महाशाखाले अनुरोध गरेको छ ।