Sansar News
६ भदौ, काठमाडौं । नेपालको पहिलो नर्सिङ गीत ‘हामी नर्स’ सार्वजनिक भएको छ ।
सदिक्षा एल्बमबाट चर्चामा आएकी गायिका मिना कार्कीले नेपाली सांगितीक इतिहासमै पहिलोपटक नर्सिङ गीत ‘हामी नर्स’ को भिडियो सार्वजनिक गरेकी हुन् । गायिका कार्कीले आफ्नै युट्युव च्यानल minakarki official बाट सार्वजनिक गरेकी हुन् ।
लोकप्रिय गीतकार तथा सङ्गीतकार राजकुमार बगरको शब्द र सङ्गीत रहेको यस गीतमा कमल सौरागको म्युजिक एरेञ्ज रहेको छ ।
भिडियोमा निर्मला श्रेष्ठलगायत बिभिन्न कलाकारहरुलाई फिचरिङ गरिएको छ भने वीरेन्द्र भाट ‘विपिन’ को निर्देशन, रामसिंह भाटको छायाङ्कन र निर्देशक वीरेन्द्र भाट ‘विपिन’ कै सम्पादनमा भिडियो तयार भएको हो ।
झण्डै ४ दर्जन डाक्टर र नर्सहरुको अभिनय रहेको यो भिडियो वल्र्ड कभर मिडिया प्रा. लि. को पोष्ट प्रोडक्सनमा निर्माण भएको हो ।
बिश्व नर्सिङ्ग दिवश ( मे १२) को दिन औपचारिक कार्यक्रमका बिच गीत सार्वजनिक गर्ने कार्यक्रम रहेपनि बिश्वभरिनै फैलिएको कोरोना महामारीको कारणले नसकिएको बताइएको छ ।
उक्त गीतमा नर्सिङ्ग पेशामा लागेपछि गर्नुपर्ने काम कर्तब्यलगायत दुःख, पीडा, र खुसिलाई राम्रोसंग समाबेस गरिएको गायिका बताउछिन् गायिका कार्की । किनकी गायिका स्वयम् एक नर्स हुन् ।
वि.सं.२०७७ असोज ६ मंगलवार ०८:४४ मा प्रकाशित
