हामी सबैकाे संसारन्यूज

काठमाडौं । चिनियाँ नाकामा अलपत्र कन्टेनर ल्याउन सरकारले वेवास्ता गरेको प्रति जनता समाजवादीका नेता डा. बाबुराम भट्टराईले विरोध जनाएका छन् । उनले व्यवसायीको समस्यामा सरकार कानमा तेल हालेर बसेको टिप्पणी गरे ।

सामाजिक सञ्जालमा ट्विटरमा भट्टराईले भनेका छन्, ‘छिमेकी चीनबाट आयात हुन लागेका बीस अर्ब बढी मूल्यका सामान सहितका कन्टेनर ६ महिना बढी समयदेखि सीमानामा अलपत्र भएर बसेकाले नेपाली व्यवसायीहरूलाई आसन्न चाडबाडको मुखमा ठूलो असुविधा र नोक्सान भैरहेको छ। व्यवसायीहरू हारगुहार गर्दै यत्रतत्र कुदिरहेछन् १ सरकार किन कानमा तेल हालेर बसेको हो ?’

छिमेकी चीनबाट आयात हुन लागेका बीस अर्ब बढी मूल्यका सामान सहितका कन्टेनर ६महिना बढी समयदेखि सीमानामा अलपत्र भएर बसेकाले नेपाली व्यवसायीहरूलाई आसन्न चाडबाडको मुखमा ठूलो असुविधा र नोक्सान भैरहेको छ।व्यवसायीहरू हारगुहार गर्दै यत्रतत्र कुदिरहेछन्!सरकार किन कानमा तेल हालेर बसेको हो? pic.twitter.com/I2v5EBDLcZ

— Baburam Bhattarai (@brb1954) September 22, 2020

कोरोना महामारी सुरु भएसँगै केरुङ नाकामा व्यवसायीका १२ सय कन्टेनर अलत्रप परेका छन् । झण्डै ६ महिनादेखि अलपत्र परेको कन्टेनरमा २० अर्बभन्दा बढिका सामान छन् । कतिपय सामान बिग्रने अवस्थामा समेत पुगेका छन् ।

कन्टेनर अलपत्र परेको विषयमा सरकारसँग व्यवसायीले गरेको हारगुहार व्यर्थ बनिरहेको छ । सरकारले भने कन्टेनर ल्याउने विषय ठोस कार्यक्रम बनाउन सकेको छैन् ।