हामी सबैकाे संसारन्यूज

ट्रम्प अर्गनाईजेसनका कम्पनीहरूलाई लगातार लामो समय घाटामा देखाईएको छ। जसले गर्दा ट्रम्प कयौँ बर्षसम्म कर तिर्नबाट जोगिरहे । ट्रम्पले आफ्नो ब्यवसायको आय व्यय, नाफा नोक्सान र ट्याक्स फाईलिङ अभिलेख लेखा परीक्षण भईरहेको कारण देखाई पारदर्शी गर्न अस्वीकार गरिरहेका छन् । 

न्यूयोर्क टाईम्सले राष्ट्रपति ट्रम्पले २०१६ को चुनाव बर्ष र निर्वाचित भई व्हाईट हाउस आएको एक बर्षपछि सात सय पचास डलर कर तिरेको बमसेल न्यूज हालै प्रकाशित गरेको छ । न्यूयोर्क टाईम्सले दुई दशकको ट्रम्पको ट्याक्स फाईलको कागजात प्राप्त गरेको छ । ट्रम्पले विगत पन्ध्र बर्षमा दश बर्ष त कर नै नतिरेको समाचार प्रकाशित गरेको छ । समाचार अनुसार, ट्रम्प अर्गनाईजेसनका कम्पनीहरूलाई लगातार लामो समय घाटामा देखाईएको छ। जसले गर्दा ट्रम्प कयौँ बर्षसम्म कर तिर्नबाट जोगिरहे । ट्रम्पले आफ्नो ब्यवसायको आय व्यय, नाफा नोक्सान र ट्याक्स फाईलिङ अभिलेख लेखा परीक्षण भईरहेको कारण देखाई पारदर्शी गर्न अस्वीकार गरिरहेका छन् । कानूनले लेखा परीक्षण भई रहँदा पनि पारदर्शी गर्न बाधा पुर्याएको छैन । ट्रम्प बाहेक अमेरिकाको इतिहासमा प्रायः सबै राष्ट्रपतिका उम्मेद्वार र राष्ट्रपतिले ट्याक्स फाईलिङ गरेको अभिलेख अमेरिकी जनताका लागि खुला गरेका थिए तर ट्रम्पले खुला नगर्न अदालतकोसम्म सहारा लिन पुगेका थिए ।

ट्रम्पले आफ्नो गल्फ र होटेल ब्यवसायमा धेरै ठूलो नोक्सानी बेहोरेका देखाएका छन्। जसका कारण ट्रम्पले आन्तरिक राजस्व बिभाग आईआरएससगँ झन्डै १०० मिलियन डलर ट्याक्स रिफण्ड माग गरेका छन् ।

न्यूयोर्क टाईम्सको यो ताजा खवर राष्ट्रपति उम्मेद्वारहरुको पहिलो बहस शुरु हुनुपूर्ब आएको छ जसले ट्रम्पलाई रक्षात्मक स्थितिमा पुर्याएको छ । उक्त खवर अनुसार, ट्रम्पले सन् २०१६ र २०१७ मा सीर्फ ७५० डलर कर तिरेका थिए । उनले पन्ध्र बर्षको ट्याक्स फाईल पन्ध्र पटक भर्दा दश पटक त शून्य कर तिरेको देखिन्छ किनकी उनले फाईल गर्दा जति कमाए त्यो भन्दा बढी खर्च गरेको देखाईएको छ । राष्ट्रपति बन्न अघि ट्रम्पको पहिचान एक सर्वाधिक धनी व्यक्ति र रियल्टर ब्यवसायका लागि बादशाह मोगुलको रूपमा परिचित थिए र उनी हरेक सभा र सम्बादमा आफूलाई त्यस्तै दर्ज गराउँथे । तर आफ्नो उद्धम, ब्यवसाय, ब्यापार र कम्पनी घाटामा गै ठूलो आर्थिक भार भोग्नु परेको देखाई ट्याक्स शून्य वा धेरै कम तिरेका छन् ।

ट्रम्पले आफ्नो गल्फ र होटेल ब्यवसायमा धेरै ठूलो नोक्सानी बेहोरेका देखाएका छन्। जसका कारण ट्रम्पले आन्तरिक राजस्व बिभाग आईआरएससगँ झन्डै १०० मिलियन डलर ट्याक्स रिफण्ड माग गरेका छन् । ट्रम्पले आफ्नो कपाल मिलाएको ७० हजार डलर ट्याक्स डिडग्सन् देखाएका छन् । उनले आफ्नी सहोदर छोरी इभांकालाई कन्सल्टिङ बापत २६ मिलियन डलर दिएको देखाएर ट्याक्स डिडग्सन् गराएको देखिन्छ । मोगुल ब्यापारका बादशाह सर्वाधिक धनी ट्रम्पले शून्य देखि ७५० डलर तिर्दा मैले झन्डै १५ हजार डलर सरकारलाई कर तिरेछु र औसत अमेरिकिनहरूले त्यो समयमा १२२०० डलर तिरेका रहेछन् । सन् २०१६ मा ट्रम्पले स्ट्रोमी ड्यानियललाई एक लाख तीस हजार डलर तिरेका थिए भने संघीय सरकारलाई करको रूपमा ७५० डलर । अब्राहम लिंकनले सन १८६४ मा १२८० डलर तिरेका रहेछन् ट्रम्पले सन २०१६ मा ७५० डलर ।