Sansar News
काठमाडौं । मुक्तिनाथ विकास बैंक लि.ले संस्थागत सामाजिक उत्तरदायित्व कार्यक्रमअन्तर्गत धनगढी उप–महानगरपालिकाको बसपार्कमा शुद्ध पिउने पानी ट्याङकी हस्तान्तरण गरेको छ ।
उक्त शुद्ध पिउने पानी ट्याङकी बैंकको धनगढी शाखाका प्रमुख उमेश जोशीले धनगढी उप–महानगरपालिका वडा नं ४ का अध्यक्ष दिपक थापालाई हस्तान्तरण गरेका थिए ।
उक्त अवसरमा वडाअध्यक्ष थापाले मुक्तिनाथ विकास बैंकको सामाजिक कार्यक्रमप्रति प्रशंसा गरे । धनगढी उप–महानगरपालिकाको बसपार्क सुदुरपश्चिमकै केन्द्र विन्दु रहेकोले यात्रुको आवतजावत धेरै हुने भएकोले यात्रुको सहजताको लागिशुद्ध पिउने पानी ट्याङकीको निर्माण गरिएको हो ।
बैंकले ४२ जिल्लामा १३४ शाखा कार्यालयमार्फत बैकिङ्ग सेवा दिँदै आएको छ । बैंकले मुख्यतः ग्रामिण भेग तथा पिछडिएको क्षेत्र केन्द्रित बैकिङ्ग सेवा प्रदान गरिरहेको बैंकका प्रमुख सुचना अधिकारी तिलबहादुर गुरुङ्गले जानकारी दिए ।
वि.सं.२०७७ असोज १९ सोमवार १३:५१ मा प्रकाशित
