हामी सबैकाे संसारन्यूज

२८ असोज,काठमाडौं । रामेछापका चन्द्र बहादुर योञ्जनको साथबाट सुनको ब्रासलेट र मोबाइल लुटी हत्या गरेको अभियोगमा ३ जनालाई सोमबार प्रहरीले पक्राउ गरेको छ । योञ्जन भक्तपुर चाँगुनारायण नगरपालिका-८ सुडाल बस्दैआएका थिए ।

पक्राउ पर्नेहरुमा सिन्धुपाल्चोक बाह्रबिसेका शेर्पा भन्ने कामी लामा, चौताराका रमेश तामाङ (ज्वाला तामाङ०)र रामेछाप धोवि गाउँपालिकाका प्रेम तामाङ रहेका छन् । उनिहरुले असोज २१ गते चन्द्रको पसलमा वियर समेत सेवन गरी आफन्तलाई जग्गा चाहिएको भन्ने बहाना बनाई जग्गा विक्रीबाट आउने फाइदा बाड्नुपर्छ भनी प्रलोभनमा पारी पसलदेखि १ किलोमिटर पर बिडोलफाँटस्थित धानखेतमा लगेर कुटपिट गरी उनको साथमा रहेको उक्त ब्रासलेट र मोबाईल समेत लुटि फरार भएका थिए ।

कुटपिटबाट गम्भीर घाइते भएका चन्द्रको ग्रीनसिटी अस्पताल बसुन्धरामा उपचारको क्रममा गत बिहीबार मृत्यु भएको थियो । उक्त घटनामा संलग्न व्यक्तिहरु महानगरीय अपराध महाशाखाको प्रहरीले काठमाडौंका विभिन्न स्थानबाट पक्राउ गरेको हो ।

प्रहरीका अनुसार मृतक चन्द्रले कामी लामालाई दिनुपर्ने बाँकी रकम दिन आनाकानी गरेपश्चात चन्द्रलाई कुटपिट गरेर भए पनि रकम असुल्ने योजना बनाई कामी लामाले असोज १८ गते काठमाडौं नयाबस्तीमा रमेश र प्रेमसँग योजना बनाई चन्द्रको घर पहिचान गरेपश्चात असोज २१ गते दिउँसो जग्गा हेर्ने बहानामा उक्त धानखेतमा लगि कुटपिट गरेको उनिहरुले बयान दिएको बगाएको छ ।