Sansar News
१८ कात्तिक, काठमाडौँ । अमेरिकाको आगामी राष्ट्रपति को बन्ला ? यतिबेला विश्वको ध्यान यसैमा केन्द्रित छ । तर, तत्काल यसको सटीक अनुमान लगाउन सहज छैन ।
अमेरिकी नागरिकले मंगलबार नयाँ राष्ट्रपति चयन गर्दै छन् । त्यसको नतिजा आएपछि मात्र सारा विश्वले यो प्रश्नको सही जवाफ पाउनेछ ।
नयाँ राष्ट्रपतिका लागि डोनाल्ड ट्रम्प र जो बाइडेनबीच कडा प्रतिस्पर्धा हुँदै छ । डेमोक्रेटिक पार्टीका बलिया उम्मेदवार बाइडेन पहिलो पटक राष्ट्रपति हुने अभियानमा छन् । वर्तमान राष्ट्रपति ट्रम्प भने आफ्नो कार्यकाल दोहो¥याउने योजनामा लागेको मंगलबारको अन्नपूर्ण पोस्ट्मा उल्लेख छ । पक्कै पनि अहिले नै अनुमान लगाउन गाह्रो छ, बाजी कसले मार्ला भनेर ।
यद्यपि, राष्ट्रपति निर्वाचनको मिति नजिकिँदै जाँदा प्रतिस्पर्धीमध्ये बाइडेनलाई केही अगाडि देखाएको छ । पछिल्ला अधिकांश मत सर्वेक्षणमा पनि बाइडेनले वर्तमान राष्ट्रपति ट्रम्पभन्दा करिब १० प्रतिशत विन्दुले अग्रता बनाइरहेको देखाउँछ ।
वि.सं.२०७७ कात्तिक १८ मंगलवार ०८:३३ मा प्रकाशित
