Sansar News
१९ कात्तिक, काठमाडौं । पोल्याण्डमा उपचाररत१३ महिने बालिका सियोना श्रेष्ठको उपचारका लागि अमेरिकामा रहेका इन्द्र थापा र सवि थापाले २० हजार रुपैयाँ सहयोग गरेका छन् ।
म्याग्दी घर भई हाल अमेरिकाको मेरिल्याण्डमा बसोबास गरिरहेका थापा दम्पत्तीले पोल्याण्डको अस्पतालमा उपचार गराइरहेका बालिका सियोना श्रेष्ठको उपचारका लागि थोरै भएपनि आर्थिक सहयोग गर्न पाएकोमा खुसी व्यक्त गरेका छन् ।
‘बालिका सियोनको सहयोगको लागि संसारभरका नेपालीले सहयोग गरिरहेका बेला हामीले पनि केही सहयोग गरेका हौं । बालिकाको स्वास्थ्यमा शिघ्र सुधार होस्,’ समाजसेवी सवि थापाले संसारन्युजसँग भनिन् ।
उक्त रकम बैंक अफ काठमाण्डुमा रहेको बालिकाको खाता नम्बरमा जम्मा गरिएको हो ।
वि.सं.२०७७ कात्तिक १८ मंगलवार ०८:४० मा प्रकाशित
