Sansar News
१८ कात्तिक पोखरा । प्रतिनिधिसभाका सांसद तथा नेपाली कांग्रेसका नेता सुर्य बहादुर केसीको निधन भएको छ ।
लामो समयदेखि मधुमेह तथा उच्च रक्तचापको समस्या रहेका केसीको सोमबार राति पोखरास्थित आफ्नै घरमा निधन भएको हो ।
पोखरा उपमहानगरपालिकाका तत्कालीन प्रधानपन्च समेत रहेका केसी नेपालकै सफल उद्यमी मानिन्छन् । हिमश्री फुड्सका अध्यक्ष समेत रहेका उनको रारा, चाउ चाउ, हाइड्रो लगायतका उद्योग रहेका छन् ।
नेपाली कांग्रेसका आमन्त्रित केन्द्रीय सदस्य संघीय सांसद तथा व्यवसायी केसीको निधनले आफू स्तब्ध भएको नेपाली कांग्रेसका नेता तथा सांसद डा. शेखर कोइरालाले बताएका छन् ।
मेरा मित्र, नेपाली कांग्रेसका आमन्त्रित केन्द्रीय सदस्य, संघीय संसद सदस्य तथा व्यावसायी सूर्यबहादुर केसीको निधनले अत्यन्त स्तब्ध र मर्माहत बनाएको छ। यस दुःखद समयमा सम्पूर्ण केसी परिवारलाई हार्दिक समवेदना तथा स्व सूर्यबहादुरजी प्रती श्रद्धान्जली। pic.twitter.com/3HeieRFspJ
— Dr Shekhar Koirala (@Shekharnc) November 3, 2020
वि.सं.२०७७ कात्तिक १८ मंगलवार ०९:०९ मा प्रकाशित
