हामी सबैकाे संसारन्यूज

१८ कार्तिक, काठमाडौं । हुण्डी कारोबार गरेको अभियोगमा काठमाडौं बाट ३ जनालाई सोमबार साँझ प्रहरीले पक्राउ गरेको छ । उनीहरुलाई काठमाडौं महानगरपालिका-२३ ओमबहालस्थित होटल गोल्डेन लिफबाट प्रक्राउ गरेको हो ।

क्राउ पर्नेहरुमा काठमाडौं महानगरपालिका-११ ताहाचल बस्ने झापाका ३१ वर्षीय विकास मितल, काठमाडौं महानगरपालिका-३१ बस्ने झापाकै २७ वर्षीय कमल मितल र काठमाडौं महानगरपालिका-२२ बस्ने पर्वत कुश्माका ३२ वर्षीय गणेश पौडेल रहेका छन् ।

उक्त होटलमा अवैध रुपमा हुण्डी कारोबार भइरहेको सूचनाको आधारमा प्रहरी प्रधान कार्यालय केन्द्रीय अनुसन्धान ब्यूरो महाराजगंजबाट खटिएको प्रहरीले उनीहरुलाई गैरकानुनी रुपमा कारोबार गरिरहेको अवस्थामा ९९ लाख ८४ हजार रुपैयाँ र ९ सय अमेरिकी डलर सहित पक्राउ गरेको हो ।