Sansar News
काठमाडौं । अमेरिकाको राष्ट्रपतिय चुनावको परिणामप्रति सबैको चाँसो छ । हाल राष्ट्रपति डोनाल्ड ट्रम्प पुनः सत्तामा आउलान् या प्रतिस्पर्धी जो बाइडेन भन्ने विषयलाई सबैलाई चाँसो पूर्वक हेरिरहेका छन् । जसको जवाफ सम्भवतः बिहिबारभित्र नै आउन सक्छ ।
तथापि हालसम्मको मतगणनाको परिणाममा बाइडेन निकै अगाडि देखिएका छन् । उनको मतपरिणाम जित नजिक छ । बाइडेनले ट्रम्पका प्रभाव इलाका पनि जितको झण्डा हल्लाएका छन् । मिशिगन र विस्कन्सिनमा पनि बाइडेनले जित हाँसिल गरेका छन् । २०१६ मा यी दुवै राज्यमा ट्रम्पले जित गरेका थिए ।
न्यूर्योक टाइम्सका अनुसार वाइडेनले २५३ इलेक्टोरल भोट जिति सकेका छन् । ट्रम्पको खातामा मात्रै २१४ भोट प्राप्त भएको छ ।
यसको साथै बाइडेनले आफ्नै पार्टीका बराक ओबामाले १२ वर्षअघि राखेको रेकर्ड पनि तोडेका छन् । बिहिबार बिहानसम्म बाइडेनले ७ करोड १० लाख पपुलर भोट हाँसिल गरेका थिए । सन् २००८ मा ओबामालाई ६ करोड ९४ लाख ९८ हजार ५१६ पपुलर भोट मिलेको थियो ।
६ राज्यमा मतगणना जारी
चुनावको मतपरिणाम चाखलाग्दो ढंगले अगाडि आईरहेको छ । केहि राज्यमा भोटको गिन्ती हाल पनि जारी छ ।
हाल अलास्का, एरिजोना, जोर्जिया, नेवाद, उत्तर कैरोलिना र पेनसिल्वेनियामा मतगणना जारी छ ।
कुनमा कसको अग्रता ?
मतगणना जारी रहेका ६ राज्यमध्ये अलास्का बाहेक सबैको मतगणना अन्तिम चरणमा पुगेको छ । न्यूयोर्क टाईम्सका अनुसार जोर्जिया र उत्तर कैरोलिनाको मतगणना करिब अन्तिम चरणमा छ । दुवै राज्यमा ट्रम्पले अग्रता लिईरहेका छन् ।
अन्तिम चरणमा पुग्दै गरेका पेनसिल्वेनियामा पनि ट्रम्प अगाडि छ । सँगसँगै मतगणना अन्तिम पुग्दै गरेका दुई राज्यहरु नेवाद र एरिजोनामध्ये बिडेन अगाडि छन् । ढिलो मतगणना सुरु भएको अलास्कामा पनि ट्रम्प अगाडि छन् ।
सम्बन्धित समाचार
अमेरिकी चुनाव : ऐतिहासिक रेकर्ड बनाउँदै जितको नजिक पुगे बाइडन
वि.सं.२०७७ कात्तिक २० बिहीवार १५:५२ मा प्रकाशित
