हामी सबैकाे संसारन्यूज

२० कात्तिक, काठमाडौं । बैंक अफ काठमाण्डूको २६ औं वार्षिक साधारण सभा मंसिर १५ गते हुने भएको छ । बैंकको सञ्चालक समितिको बैंठकले भिडियो कन्फ्रेन्समार्फत् साधारण सभा आयोजना गर्ने निर्णय गरेको छ।

यस वर्ष बैंकले १६ प्रतिशत लाभांश दिने प्रस्ताव गरेको छ । बैंकको असोज १४ गतेको सञ्चालक समितिको बैठकले गत आर्थिक वर्ष २०७६र७७ को सञ्चित मुनाफाबाट १३ प्रतिशत बोनस शेयर र बोनसमा लाग्ने कर समेत ३ प्रतिशत नगद लाभांश दिने निर्णय गरेको हो ।

लाभांश र साधारण सभा प्रयोजनका लागि बैंकले कात्तिक २८ गतेदेखि सभा हुने दिनसम्म बुक क्लोज हुने बैंकले जनाएको छ । यस आधारमा कात्तिक २७ गतेसम्म कायम शेयरधनीहरु मात्र लाभांश प्राप्त गर्न र सभामा भाग लिन योग्य हुनेछन् ।