Sansar News
२५ पुस, काठमाडौं । सनराइज बैंक लिमिटेडको साधारणसभा आज सम्पन्न भएको छ ।
सनराइज बैंक तथा एन.आई.डि.सि. क्यापिटल मार्केट्स लिमिटेड बीच एन.आई.डि.सि.क्यापिटल मार्केट्स लिमिटेडलाई प्राप्ती (एक्विजिशन) गर्ने सम्बन्धी अन्तिम सम्झौता भइसकेको तथा सम्झौता DDA प्रतिवेदन लगायत अन्य विविध सहमती लिने गरि दुबै संस्थाको विशेष साधारणसभा सम्पन्न भएको बैंकले जनाएको छ ।
बैंकका संचालक समितिका अध्यक्ष मोतीलाल दुगडको सभापतित्वमा सम्पन्न उक्त साधारणसभामा बैंकले एन.आई.डि.सि.क्यापिटल मार्केट्स लिमिटेडलाई प्राप्ती (एक्विजिशन) गर्ने सम्बन्धी संचालक समितिको विशेष प्रस्ताव पारित गरेको पनि बैंकले प्रेस विज्ञप्तिमार्फत जनाएको छ ।
बैंकले विशेष साधारणसभाबाट प्राप्ती (एक्विजिशन) प्रस्ताव पारित भईसकेकोले अन्तिम स्वीकृतीको लागि नेपाल राष्ट्र बैंकमा संयुक्त निवेदन पेश गरिने पनि बैंकले जनाएको छ ।
वि.सं.२०७३ पुस २५ सोमवार ११:५० मा प्रकाशित
