हामी सबैकाे संसारन्यूज

२३ कात्तिक, काठमाडौं । नेपालमा आज काठमाडौं उपत्यकाका १५३३ जनासहित देशैभरी २८१७ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार आज काठमाडौंमा १२९४, ललितपुरमा १६२ र भक्तपुरमा ७७ जना संक्रमित थपिएका हुन् ।

मन्त्रालयका अनुसार आज प्रदेश १ को इलाममा ५, उदयपुरमा ९, ओखलढुंगामा ३, खोटाङमा ५, झापामा ५६ , तेह्रथुममा ८, ताप्लेजुङमा १ पाँचथरमा ४, भोजपुरमा ३, मोरङमा १५५, संखुवासभामा ३, धनकुटामा ३, मोरङमा र सुनसरीमा ७३ र सोलुखुम्बुमा २ गरी प्रदेशमा आज ३३० जना संक्रमित थपिएका हुन् ।

प्रदेश २ को धनुषामा २७, पर्सामा ६, बारामा ७, महोत्तरीमा २, रौतहटमा २, सप्तरीमा १६, सर्लाहीमा ५ र सिराहामा ९ जना गरी प्रदेशमा आज ७४ जना संक्रमित थपिएका छन् ।

बागमती प्रदेशको काठमाडौंमा १२९४, काभ्रेपलान्चोकमा १८, चितवनमा १५२, दोलखामा १४, धादिङमा १५, नुवाकोटमा ५, भक्तपुरमा ७७, मकवानपुरमा १७, रामेछापमा ५, ललितपुरमा १६२, सिन्धुपाल्चोकमा २१ र सिन्धुलीमा १४ जना गरी प्रदेशमा आज १७९४ जनामा संक्रमण देखिएको छ ।

गण्डकी प्रदेशको कास्कीमा ८४, गोरखामा ८, तनहुँमा २२, नवलपरासीपूर्वमा ८४, पर्वतमा ६, मुस्ताङमा ४, म्याग्दीमा ६, लमजुङमा १८, बागलुङमा ५ र स्याङजामा ६ जना गरी प्रदेशमा आज २४२ जना संक्रमित थपिएका छन् ।

त्यस्तै लुम्बिनी प्रदेशको अर्घाखाँचीमा ८, कपिलवस्तुमा ९, गुल्मीमा ५, दाङमा ९८, नवलपरासीमा ९, पाल्पामा १३, प्युठानमा २, बर्दियामा १२, बाँकेमा ६८, रुकुमुपूर्वमा १, रुपन्देहीमा ६९ र रोल्पामा ३ जना गरी प्रदेशमा आज जम्मा २९८ जनामा संक्रमण पुष्टि भएको छ ।

कर्णाली प्रदेशको जाजरकोटमा ६, जुम्लामा १, दैलेखमा २, रुकुमपश्चिममा ४ र सुर्खेतमा ७ र गरी प्रदेशमा आज २० जना संक्रमित थपिएका हुन् ।

सुदूरपश्चिम प्रदेशको अछाममा ५, कैलालीमा २९, डडेल्धुरामा ३, बाजुरामा १, कन्चनपुरमा १२ र बझाङमा ९ जना गरी प्रदेशमा आज ५९ जना थपिएसँगै देशैभरी २८१७ जना संक्रमति थपिएका हुन् । जसमा महिला ११६६ र पुरुष १६५१ जना रहेका छन् ।

आज थपिएका २८१७ जनासँगै नेपालमा हालसम्मको कूल संक्रमितको संख्या १ लाख ९४ हजार ४५३ पुगेको छ ।

आज काठमाडौं उपत्यकाका १५१२ सहित देशैभरी २७५३ जनामा कोरोना संक्रमण