हामी सबैकाे संसारन्यूज

२६ कार्तिक,काठमाडौं। थानकोटस्थित सडकमा मंगलबार बिहान तरकारी बोकी बाटो काट्दै गरेका नबिन लोहारलाई ठक्कर दिई फरार रहेका चालकलाई प्रहरीले पक्राउ गरेको छ । सर्लाही हरिवन नगरपालिका घर भएका सुनिल श्रेष्ठले चालाएको ना.५ ख ८४७४ नम्बरको बसले लोहारलाई ठक्कर दिएको हो ।

लोहारलाई ठक्कर दिँई फरार रहेका श्रेष्ठलाई अनुसन्धानको क्रममा महानगरीय प्रहरी वृत्त थानकोटबाट खटिएको प्रहरीले महानगरीय ट्राफिक प्रहरी प्रभाग कोटेश्वरको समन्वयमा काठमाडौंको पेप्सीकोलाबाट उक्त बस सहित पक्राउ गरेको हो । बसको ठक्करबाट गम्भीर घाइते भएका लोहारको ओमसमाज अस्पतालमा उपचारको क्रममा मृत्यु भएको थियो । श्रेष्ठ उपर सवारी तथा यातातात व्यवस्था ऐन, २०४९ बमोजिम अनुसन्धान भइरहेको प्रहरीले जानकारी दिएको छ ।