हामी सबैकाे संसारन्यूज

२६ कार्तिक, काठमाडौँ । २०२० को आईपिएल उपाधि विजेता टिम मुम्बई इन्डियन्सले २० करोड (भारु) रकम पुरस्कारका रुपमा जितेको छ । पाँचौ पटक आईपिएलको उपाधि जित्न सफल टिम मुम्बईलाई बिसीसीआईले २० करोड रकम उपलब्ध गराएको हो ।

त्यसैगरी दोस्रो स्थानमा रहेको दिल्ली क्यापिट्ल्सले १२.५ करोड (भारु) पाएको छ भने तेस्रो र चौँथो स्थानमा रहेको सनराइजर्स हैदरावाद र रोयल च्यालेन्जर्स बेङ्गलोर समान ६.२५ करोड (भारु) पाएका छन ।

२०१९ को आईपिएलमा विजेता टिमलाई बिसीसीआईले २० करोड (भारु) रकम दिएको थियो भने दोस्रो स्थानमा रहेको टिमले १२.५ करोड (भारु) पाएको थियो । कोरोना भाइरसको महामारीको कारण देखाउदैँ बिसीसीआईले यस वर्षको पुरस्कारको रकम घटाएको थियो ।