हामी सबैकाे संसारन्यूज

२८ कार्तिक, काठमाडौं । नक्कली नोट सहित सहित ३ जनालाई बिहीबार दिउँसो प्रहरीले पक्राउ गरेको छ । गोलबजार नगरपालिका-६ बाट १ हजार दरका ६ लाख ८४ हजार नक्कली नोट, १ थान ल्यापटप, १ थान प्रिन्टर, १ थान प्लाष्टिकको फोल्डिङ टेबल र च्यातिएको नक्कली नोट कागजका टुक्राहरु सहित प्रहरीले उनीहरुलाई पक्राउ गरेको हो ।

पक्राउ पर्नेहरुमा गोलबजार नगरपालिका-६ मा डेरा गरी बस्ने कल्याणपुर नगरपालिका-७ भेडिया का बिमलेन्द्र नायक, गोलबजार नगरपालिक-१२ बेतौना का धिरज राय र सोही ठाउँका संजय राय रहेका छन् । ईलाका प्रहरी कार्यालय मिर्चैया, ईलाका प्रहरी कार्यालय गोलबजार र सशस्त्र प्रहरी बल गोलबजारबाट खटिएको प्रहरीको संयुक्त टोलीले उनीहरुलाई उक्त नक्कली नोट सहित पक्राउ गरेको हो ।