हामी सबैकाे संसारन्यूज

२८ कार्तिक, काठमाडौं । बैदेशिक रोजगारीमा पठाईदिने प्रलोभनमा पारि मानव बेचबिखन गरेको अभियोगमा ३ जनालाई बुधबार प्रहरीले पक्राउ गरेको छ । उनीहरुले बिदेश पठाईदिने र बिदेश पठाउनको लागि आवश्यक रकम समेत आफैले उपलव्ध गराईदिने भन्दै २ जना महिलाहरूलाई बिभिन्न प्रलोभनमा पारी मानव बेचबिखन तथा ओसारपसारमा संलग्न रहेका हुन ।

पक्राउ पर्नेहरूमा कास्की मादी गाउँपालिका-१ खेलुङका जीवन नेपाली, काभ्रे पाँचखाल नगरपालिका-४ तामाघाटका आशिष भुजेल र कास्की पोखरा महानगरपालिका=४ बगालेटोलका अन्जु गुरुङ रहेका छन् ।

उनीहरूले ती महिलाहरूलाई पोखरा महानगरपालिका-६ लेकसाईडस्थित कोठामा बन्धक बनाई जबरजस्ती बेश्याबृतिमा संलग्न गराउने उद्देश्यले शारीरिक तथा मानसिक यातना दिएको साथै रकमको मोलमलाई गरिरहेको सुचना प्राप्त भएपछि जिल्ला प्रहरी कार्यालय कास्कीबाट खटिएको प्रहरीले उनीहरूलाई पक्राउ गरेको हो ।