हामी सबैकाे संसारन्यूज

२८ कात्तिक, रुपन्देही । जिल्ला प्रशासन कार्यालय रुपन्देहीले सातदिनभित्र संघ÷संस्थाको विवरण पेश गर्न अनुरोध गरेको छ ।

साविक संस्था रजिष्ट्रेशन ऐन २०१६, संस्था दर्ता ऐन २०३४ तथा राष्ट्रिय ऐन २०१८ बमोजिम जिल्ला प्रशासन कार्यालयमा दर्ता/नविकरण भइ संचालनमा रहेका संघसंस्थालाई आर्थिक विवरण पेश गर्न अनुरोध गरिएको हो ।

जिल्ला प्रशासन कार्यालयले कात्तिक २५ मा एक सूचना जारी गरी अस्पताल, सहकारी, बालगृह, पुनस्र्थापना केन्द्र, विद्यालय, शैक्षिक संस्था (भेटेनरी, इन्जिनियरिङ, तालिम प्रदायक संस्था) निर्माण व्यवसायी, ट्रक व्यवसायी, इट्टाभट्टा उद्योग, वाणिज्य, व्यापार, अर्पाटमेन्ट, गुठी तथा खेलकुद जस्ता संस्थाहरुको विगत पाँचवर्षको आर्थिक विवरण, संचालकहरुको नाम संस्थाले गरेका आर्थिक क्रियाकलाप र प्रदान गरेका सेवा सुविधाको विवरण पेश गर्नु अनुरोध गरेको हो ।

गृहमन्त्रालयबाट माग भएकाले अनिवार्य रुपमा सूचना प्रकाशित भएको मितिले सातदिन भित्रमा अनिवार्य रुपमा विवरण पेश गर्न कार्यालयले अनुरोध गरेको हो ।