Sansar News
२ मंसिर, काठमाडौं । नेपालमा आज काठमाडौं उपत्यकाका ३३९ जनासहित देशैभरी ५०२ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार आज काठमाडौंमा २८९, ललितपुरमा ३८ र भक्तपुरमा १२ जना संक्रमित थपिएका हुन् ।
मन्त्रालयका अनुसार आज प्रदेश १ को झापामा ६, संखुवासभामा १ र सुनसरीमा १ गरी प्रदेशमा जम्मा ८ जना संक्रमित थपिएका हुन् ।
प्रदेश २ को धनुषामा ११, पर्सामा १, बारामा ४, महोत्तरीमा ५, रौतहटमा १, सप्तरीमा २, सर्लाहीमा २ र सिराहामा १ जना गरी प्रदेशमा आज २७ जना संक्रमित थपिएका छन् ।
बागमती प्रदेशको काठमाडौंमा २८९, काभ्रेपलान्चोकमा ३, चितवनमा १८, धादिङमा ३, भक्तपुरमा १२, मकवानपुरमा १२, रामेछापमा २, ललितपुरमा ३८, सिन्धुपाल्चोकमा २ र सिन्धुलीमा १ जना गरी प्रदेशमा आज ३८० जनामा संक्रमण देखिएको छ ।
गण्डकी प्रदेशको गोरखामा २, तनहुँमा ३, नवलपरासीपूर्वमा ९, लमजुङमा २, बागलुङमा १ र स्याङजामा १ जना गरी प्रदेशमा आज १८ जना संक्रमित थपिएका छन् ।
त्यस्तै लुम्बिनी प्रदेशको अर्घाखाँचीमा १, गुल्मीमा २, दाङमा १, नवलपरासीमा ४, पाल्पामा १८, बर्दियामा १, बाँकेमा ४ र रुपन्देहीमा ३६ जना गरी प्रदेशमा आज जम्मा ६७ जनामा संक्रमण पुष्टि भएको छ ।
त्यस्तै आज सुदूरपश्चिम प्रदेशको कन्चनपुरमा र दार्चुलामा १÷१ जना थपिएसँगै आज देशैभरी ५०२ जना संक्रमति थपिएका हुन् । जसमा महिला २०४ र पुरुष २५८ जना रहेका छन् ।
आज थपिएका ५०२ जनासँगै नेपालमा हालसम्मको कूल संक्रमितको संख्या २ लाख ११ हजार ४७५ पुगेको छ ।
वि.सं.२०७७ मंसिर २ मंगलवार १६:१३ मा प्रकाशित
