Sansar News
८ मंसिर, काठमाडौँ । गण्डकी प्रदेश उद्योग पर्यटन, वन तथा वातावरण मन्त्रालयले शोधपत्र अनुसन्धानका लागि प्रस्ताव आह्वान गरेको छ ।
सूचना जारी गर्दै मन्त्रालयले चालु आर्थिक वर्षको वार्षिक स्वीकृत कार्यक्रम अनुसार वन, वातावरण, पर्यटन तथा जलवायु परिवर्तन सम्बन्धी विषयमा शोधपत्रका लागि प्रस्ताव माग गरेको हो ।
इच्छुक विद्यार्थीहरुलाई ३० दिनभित्र प्रस्ताव पेश गर्न भनिएको छ । प्रस्तावसँग पेश गर्नुपर्ने कागजात र ठेगाना बारे मन्त्रालयको www.moitfe.gandaki.gov.np बाट प्राप्त गर्न सकिने सूचनामा उल्लेख छ ।
वि.सं.२०७७ मंसिर ८ सोमवार ०९:३४ मा प्रकाशित
