हामी सबैकाे संसारन्यूज

११ मंसिर, काठमाडौं । नेपालमा आज काठमाडौं उपत्यकाका ७८५ जनासहित देशैभरी १६१४ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार आज काठमाडौंमा ६२०, ललितपुरमा ११४ र भक्तपुरमा ५१ जना संक्रमित थपिएका हुन् ।

मन्त्रालयका अनुसार आज प्रदेश १ को इलाममा २, उदयपुरमा ६, ओखलढुंगामा १, खोटाङमा २, झापामा ७६, भोजपुरमा ३, पाँचथरमा ३, धनकुटामा ५, मोरङमा १५३, संखुवासभामा २, सोलुखुम्बुमा १ र सुनसरीमा ४५ गरी प्रदेशमा आज २९९ जना संक्रमित थपिएका हुन् ।

प्रदेश २ को धनुषामा ५, पर्सामा १, बारामा ३, महोत्तरीमा ४, रौतहटमा १, सप्तरीमा ७, सर्लाहीमा ५ र सिराहामा ४ जना गरी प्रदेशमा आज ३० जना संक्रमित थपिएका छन् ।

बागमती प्रदेशको काठमाडौंमा ६२०, काभ्रेपलान्चोकमा १५, चितवनमा ५२, दोलखामा ४, धादिङमा ७, नुवाकोटमा ४, भक्तपुरमा ५१, मकवानपुरमा १७, रसुवामा १, रामेछापमा ५, ललितपुरमा ११४, सिन्धुपाल्चोकमा ९ र सिन्धुलीमा ४ जना गरी प्रदेशमा आज ९०३ जनामा संक्रमण देखिएको छ ।

गण्डकी प्रदेशको कास्कीमा ४०, गोरखामा ८, तनहुँमा ११, नवलपरासीपूर्वमा ५१, पर्वतमा १, बागलुङमा ६, र स्याङजामा ८ जना गरी प्रदेशमा आज १२५ जना संक्रमित थपिएका छन् ।

त्यस्तै लुम्बिनी प्रदेशको अर्घाखाँचीमा ११, कपिलवस्तुमा १, गुल्मीमा ७, दाङमा ५२, नवलपरासीमा ७, पाल्पामा ११, प्युठानमा ३, बर्दियामा १०, बाँकेमा २३, रुपन्देहीमा ४१ र रोल्पामा ७ जना गरी प्रदेशमा आज जम्मा १७३ जनामा संक्रमण पुष्टि भएको छ ।

कर्णाली प्रदेशको जुम्लामा १, दैलेखमा ४, रुकुमपश्चिममा १, सल्यानमा ४, सुर्खेतमा ५ गरी प्रदेशमा आज १५ जना संक्रमित थपिएका हुन् ।

सुदूरपश्चिम प्रदेशको अछाममा १, कन्चनपुरमा १४, कैलालीमा २८, डडेल्धुरामा ६, बझाङमा १९ र बैतडीमा १ जना गरी प्रदेशमा आज ६९ जना थपिएसँगै देशैभरी १६१४ जना संक्रमति थपिएका हुन् । जसमा महिला ६४० र पुरुष ९७४ जना रहेका छन् ।

आज थपिएका १६१४ जनासँगै नेपालमा हालसम्मको कूल संक्रमितको संख्या २ लाख २७ हजार ६४० पुगेको छ ।

आज काठमाडौं उपत्यकाका ८३५ सहित देशैभरी १९४८ जनामा कोरोना संक्रमण