हामी सबैकाे संसारन्यूज

१२ मंसिर, काठमाडौं । आजको बजारमा फलफूल तथा तरकारीको थोक मूल्य विवरण यसप्रकार तोकेको छ ।

कालिमाटी फलफूल तथा तरकारी बजार विकास समितिका अनुसार आजको बजारमा नेपाली लसुनको प्रतिकेजी थोक मूल्य २५० देखि २८० रहेको छ । आज फेरि नेपाली लसुन प्रतिकेजी २० रुपैयाँ बढेको छ । साथै आज चाइनिज लसुनमा प्रतिकेजी ५ रुपैयाँले बढेर प्रतिकेजी १५५ देखि १६० रहेको छ ।

त्यस्तै आजको बजारमा भारतीय प्याज प्रतिकेजी १०० देखि १०५ रुपैयाँ केजी रहेको छ । आज भारतीय प्याजको भाउ प्रतिकेजी ३ रुपैयाँले घटेको छ भने चाइनिज प्याज प्रतिकेजी ७० देखि ७५ रुपैयाँमा विक्रि वितरण भइरहेको छ । चाइनिज प्याज केही दिनदेखि एउटै भाउमा विक्रि वितरण भइरहेको समितिको विवरणमा उल्लेख छ ।

त्यस्तै आज नेपाली टमाटर (ठूलो) प्रतिकेजी ६० देखि ७० रुपैयाँ रहेको छ भने भारतीय टमाटर प्रतिकेजी ६० देखि ६५ रुपैयाँमा विक्रि वितरण भइरहेको छ । भारतीय टमाटरमा आज ५ रुपैयाँ वृद्धि भएको हो ।

त्यस्तै सानो टमाटर आज प्रतिकेजी ४५ देखि ५५ रुपैयाँ रहेको छ । आज सानो टमाटरमा ३ रुपैयाँ वृद्दि भएको हो । साथै आज टनेल टमाटर प्रतिकेजी ५५ देखि ६२ रुपैयाँ रहेको छ । आज टनेल टमाटर प्रतिकेजी ७ रुपैयाँले बढेको छ ।

घट्यो लसुन र प्याजको भाउ, कति छ त आजको बजारमा अन्य तरकारीको मूल्य विवरण ?