हामी सबैकाे संसारन्यूज

१७ मंसिर, पाल्पा । कोरोना संक्रमणबाट पाल्पामा थप २ जनाको मृत्यु भएको छ ।

मृत्यु हुनेमा पाल्पाको वगनासकाली गाउँपालिका १ का ३८ वर्षीया पुरुष र गल्याङ नगरपालिका ४ का ३९ वर्षीय पुरुषको कोरोना संक्रमणका कारण मृत्यु भएको जिल्ला स्वास्थ्य कार्यालय पाल्पाका प्रमुख विश्वनाथ न्यौपानेले जानकारी दिएका छन् ।

उनीहरु दुवै जनाको पाल्पाको प्रभासस्थित लुम्बिनी मेडिकल कलेजमा उपचारका क्रममा बुधबार बिहान ४ र ५ बजेको समयमा मृत्यु भएको हो ।

मेडिकल कलेजका सूचना अधिकारी प्रदीप खनालका अनुसार पाल्पाका ३८ वर्षीय पुरुषमा मंसिर १२ गते कोरोना संक्रमण देखिएपछि मंसिर १४ मा अस्पतालमा भर्ना भएका थिए भने गल्याङका पुरुषमा मंसिर २ गते संक्रमण पुष्टि भएको थियो । उनी मंसिर १ गते सोहि अस्पतालमा भर्ना भएका थिए ।

सूचना अधिकारी प्रदीप खनालका अनुसार हाल अस्पतालको कोभिड १९ आइसोलेसनमा १२ जना उपचाररत छन् भने हालसम्म उक्त अस्पतालमा ११ जनाको मृत्यु भएको छ ।