back

भरतपुरमा खानेपानी आयोजनाको शिलान्यास

वि.सं.२०७७ मंसिर १७ बुधवार

186 

shares
RBB AD
NTC AD

१७ मंसिर, चितवन । भरतपुर महानगरपालिका–६ गीतानगरमा खानेपानी आयोजनाअन्तर्गत ओभरहेड ट्याङ्की शिलान्यास गरिएको छ ।

भरतपुर महानगरपालिकाका प्रमुख रेनु दाहालले आज ट्याङ्कीको शिलान्यास गर्दै नगरवासीलाई गुणस्तरीय र शुद्ध पिउने पानी प्रदान गर्न महानगर योजनाबद्ध ढङ्गले अगाडि बढिरहेको छ भने ।

प्रमुख दाहालले संविधानले शुद्ध पिउने पानीलाई नागरिकको आधारभूत अधिकारका रूपमा लिएकाले सोहीबमोजिम महानगरपालिका र खानेपानी बोर्डमार्फत काम अगाडि बढाइरहेको जानकारी दिए। उनले खानेपानीलाई व्यवस्थित गर्न पाइपलाइन र आयोजनाको विस्तारमा सरोकारवाला निकायसँग समन्वय गरेर अगाडि बढ्न पनि आग्रह गरे ।

भरतपुर खानेपानी बोर्डका अध्यक्षसमेत रहेका दाहालले तोकिएकै समयमा गुणस्तरीय ढङ्गले योजना निर्माण सम्पन्न गर्न निर्माण व्यवसायीलाई निर्देशन दिदैं प्राविधिक र उपभोक्ता समितिलाई सहजीकरण र गुणस्तर कायममा अनुगमन गर्न आग्रह गरे्।

भरतपुर खानेपानी बोर्डका कार्यकारी निर्देशक प्रजापति दाहालले भरतपुर खानेपानी बोर्डले भरतपुर महानगरपालिकाको वडा नं १ देखि १६ सम्म व्यवस्थित प्रणालीमार्फत शुद्ध पिउने पानी उपलब्ध गराइरहेको जानकारी दिए ।

सङ्घीय खानेपानी तथा ढल व्यवस्थापन कार्यालयका प्रमुख सञ्जय दासले यस ठाउँमा गत आर्थिक वर्षमा डिप बोरिङ निर्माण सम्पन्न भइसकेका बताउँदै यस आवमा सम्पन्न गर्ने गरी रु एक करोड ४४ लाखको लागतमा चार लाख ५० हजार लिटर क्षमताको पानी ट्याङ्की निर्माणको काम शुरू भएको जानकारी दिए । उनका अनुसार सो कामका लागि योजना निर्माणको जिम्मा कृपा कन्सट्रक्सनले एक वर्षभित्रमा सक्ने गरी अगाडि बढाएको छ । यस आयोजनाबाट वडा नं ६ र वरपरका सेवाग्राही लाभान्वित हुनेछन् ।

सोही आयोजनाको ओभरहेड ट्याङ्कीको महानगर प्रमुख दाहालले आजै शिलान्यास गरेका छन । गीतानगर खानेपानी आयोजनाका अध्यक्ष एवं वडा न ६ का वडाध्यक्ष हरिविलास कोइरालाको अध्यक्षतामा कार्यक्रम सम्पन्न भएको थियो । भरतपुर महानगरपालिका क्षेत्रभित्र बोर्ड, आयोजना र उपभोक्ता समिति गरी ८४ प्रतिशत जनतालाई शुद्ध खानेपानीको पहुँच पु¥याउन सकिएको भरतपुर खानेपानी बोर्डले जनाएको छ । रासस

वि.सं.२०७७ मंसिर १७ बुधवार १६:४८ मा प्रकाशित

NLIC AD
NABIL bank AD
कर्णालीसहित तीन प्रदेशका केही स्थानमा वर्षाको सम्भावना !

कर्णालीसहित तीन प्रदेशका केही स्थानमा वर्षाको सम्भावना !

काठमाडौं । हाल नेपालमा स्थानीय वायु र पश्चिमी वायुको आंशिक...

अवैध सुन नदिने उद्देश्यले लुटिएको नाटक गर्ने एक जना पक्राउ 

अवैध सुन नदिने उद्देश्यले लुटिएको नाटक गर्ने एक जना पक्राउ 

काठमाडौँ । भन्सार छली गरेर ल्याइएको सुन सम्बन्धित व्यक्तिलाई नदिई...

चितवन राष्ट्रिय निकुञ्जमा घुम्ने विदेशी पर्यटक बढे

चितवन राष्ट्रिय निकुञ्जमा घुम्ने विदेशी पर्यटक बढे

चितवन । चितवन राष्ट्रिय निकुञ्ज घुम्ने विदेशी पर्यटकको सङ्ख्यामा वृद्धि...

नेपालको अधिकतम तापक्रम ४० डिग्रीमाथि

नेपालको अधिकतम तापक्रम ४० डिग्रीमाथि

काठमाडौँ । नेपालमा मनसुन गतिविधि सक्रिय हुनुपूर्व निरन्तर गर्मी बढिरहेको...

खुकुरी प्रहार गरी घाइते बनाएको अभियोगमा दश जना पक्राउ

खुकुरी प्रहार गरी घाइते बनाएको अभियोगमा दश जना पक्राउ

काठमाडौँ । कीर्तिपुर नगरपालिका–१० नयाँबजार बस्ने २४ वर्षीय साजिस श्रेष्ठलाई...

कांग्रेसको अवरोधपछि राष्ट्रियसभा बैठक स्थगन

कांग्रेसको अवरोधपछि राष्ट्रियसभा बैठक स्थगन

काठमाडौँ । राष्ट्रियसभाको आजको बैठक प्रमुख प्रतिपक्षी दल नेपाली कांग्रेसको...