हामी सबैकाे संसारन्यूज

२३ मंसिर, काठमाडौं । मोरङमा एक शिक्षकको गोली हानी हत्या भएको छ ।

मोरङको मिक्लाजुङ गाउँपालिका वडा नं १ को बर्खे भन्ने ठाउँमा प्रधानाध्यापक राजेन्द्र श्रेष्ठको गोली हानी हत्या गरिएको हो ।
जिल्ला प्रहरी कार्यालय मोरङका एसपी सन्तोष खड्काका अनुसार बिहान ५ बजेको समयमा ४-५ जनाको अज्ञात समुहले श्रेष्ठलाई घरबाट जर्वजस्ती लगेको र १ किमी टाढा जंगलमा लगेर हत्या गरेको सूचना आफूहरुले पाएको संसारन्युजलाई जानकारी दिए ।

‘उहाँको परिवारले गोली हानी हत्या गरेको अवस्थामा शव भेटिएको भनेर खबर गर्नुभएको छ । टाढा भएकोले हाम्रो टोली त्यहाँ पुगिसकेको छैन । अनुसन्धान पश्चात सबैकुरा खुल्ने छ ।’ एसपी खड्काले भने ।

संचारमाध्यममा विप्लव समूहद्धारा गोली हानी हत्या भनेर समाचार आएको भएपनि एसपी खड्काले आफूले यहि समूह बनेर नबताएको पनि संसारन्युजलाई बताए ।

यसै विषयमा मिक्लाजुङ गाउँपालिकाका अध्यक्ष देवी प्रसाद आचार्यले श्रेष्ठको घर भन्दा १ कि.मी टाढा जंगलमा हत्या भएको अवस्थामा शब भेटिएको जानकारी आफूले पाएको तर घटनास्थल पु्गिनसकेको जानकारी दिए ।

‘बिहान ४-५ जनाको समुहले उहाँलाई जर्वजस्ती घरबाट लगेको र परिवारले हल्ला खल्ला गर्दा जंगलमा मृत अवस्थामा शब भेटिएको जानकारी पाएका छौं । यहाँबाट दुई घण्टा टाढा छ । म पनि त्यहाँ जाँदैछु ।’

अध्यक्ष आचार्यका अनुसार ४५ वर्षीय श्रेष्ठ बर्खेमा रहेको सरस्वती आधारभुत विद्यालयका प्रधानाध्यापक हुन् । file photo