Sansar News
काठमाडौं । प्रधानमन्त्री निवास बालुवाटारमा अहिले सर्वदलीय बैठक जारी छ । प्रधानमन्त्री केपी शर्मा ओलीले पछिल्लो राजनीतिक परिस्थितिप्रति केन्द्रीत रहँदै सर्वदलीय बैठकको आह्वान गरेका थिए ।
सर्वदलीय बैठकमा संसदमा प्रतिनिधित्व गर्ने नेपाल कम्युनिष्ट पार्टी (नेकपा), नेपाली कांग्रेस, जनता समाजवादी पार्टी (जसपा), राष्ट्रिय प्रजातन्त्र पार्टी (राप्रपा), राष्ट्रिय जनमोर्चा र नेपाल मजदुर किसान पार्टी (नेमकिपा)को सहभागीता छन् ।
संसदमा सहभागी दलको तर्फबाट प्रधानमन्त्री ओलीसहित कपा अध्यक्ष पुष्पकमल दाहाल प्रचण्ड, कांग्रेस सभापति शेरबहादुर देउवा सहभागी छन्। त्यस्तै, विजयकुमार गच्छदार, कृष्णप्रसाद सिटौला, प्रकाशशरण महत, उपेन्द्र यादव, महन्थ ठाकुर, ईश्वर पोखरेल, प्रेम सुवाललगायतका नेता उपस्थित छन्।
बैठक स्थलमा प्रधानमन्त्री ओलीको कुर्ची बिचमा छ भने दायाँबायाँ नेकपाका अध्यक्ष पुष्पकमल दाहाल प्रचण्ड र प्रमुख प्रतिपक्षी नेपाली कांग्रेसका सभापति शेरबहादुर देउवा छन् ।
वि.सं.२०७७ मंसिर २३ मंगलवार १२:३९ मा प्रकाशित
