हामी सबैकाे संसारन्यूज

२६ मंसिर, काठमाडौं । सरकारले भिजिट भिसा सम्बन्धी कडा प्रावधान राखेर अध्यागमन कार्यविधि संसोधन गर्न लागेको विषयलाई लिएर चौतर्फि आलोचना भएको छ ।

सरकारले मानब तस्करले भिजिट भिसाका नाममा त्रिभुवन विमानस्थल हुँदै युवालाई विदेश लगेर अलपत्र पार्ने घटना बढ्न थालेको निष्कर्षसहित भिजिट भिसामा जानेको एसएलसी सरहको शैक्षिक योग्यता र सामान्य अग्रेजी बोल्नुपर्ने नियम ल्याउने गरी कार्यविधि संसोधन गर्न थालेको विषयलाई लिएर आलोचना भएको हो ।

यसै विषयलाई लिएर सांसद तथा युवा नेता गगन थापाले गृहमन्त्रीलाई प्रश्न गर्दै भनेका छन् यो कस्को उट्पटयाङ हो गृहमन्त्री ज्यू ?’

नेता थापाले सामाजिक संजालमा नेपाल सरकारको अक्षमताको भारी नागरिकमाथि ? भन्ने प्रश्न गर्दै भनेका छन् ‘भिजिट भिसाको नाममा हुने अनुचित काममा संलग्नलाई कारबाही नगर्ने अनि भ्रमणका लागि शैक्षिक प्रमाणपत्र र अंग्रेजी जान्नुपर्ने बनाएर नागरिकको खिसी गर्न खोजेको ? अंग्रेजी नजान्ने नागरिक नै हैन ? नेपाल सरकारको अक्षमताको भारी नागरिकमाथि ? गृहमन्त्रीज्यू यो कसको र कस्तो उटपट्याङ हो ?