हामी सबैकाे संसारन्यूज

२६ मंसिर, काठमाडौँ । बिहिबार निधन भएका कमानसिं लामाकी पत्नी इन्द्रमायाले पारिवारिक असमझदारीका विषयमा नेकपाका नेता नारायणकाजी श्रेष्ठलाई जोड्न नमिल्ने बताएकी छन् ।

सिन्धुपाल्चोक जिल्लाको गुम्बागाउँपािलका ५ अन्तर्गत श्री याम्बलिङ हाइड्रोपावर प्रालिको विषयमा सार्वजनिक भिडियोमा नेता श्रेष्ठ आर्थिक लेनदेनमा जोडिएको भन्दै टिकाटिप्पणीहरु भैरहेका बेला तामाङले यसबारे स्पष्ट पार्दै प्रेस विज्ञप्ति निकालेकी हुन् ।

प्रेस विज्ञप्ति जारी गर्दै उनले लामाको निधनबाट शोकको अवस्थामा रहेको बेला पारिवारक विवाद र असमझदारीबाट बिगतमा सृजित केही घटनाहरुलाई लिएर नेकपाका नेता श्रेष्ठलाई अनावश्यक मुछेर अनर्गल झुटो प्रचार गरिएको भन्दै दुख व्यक्त गरेकी छन् ।

हाइड्रो पावर संचालन गर्न नसकेरा ऋणले आर्थिक अवस्थामा टाट पल्टिन लागेको बेला नेता श्रेष्ठले सहयोग गरेको कुरालाई केही तत्वहरुले उनको राजनीतिक निष्ठापूर्ण जीवनलाई निहित स्वार्थपूर्ति गर्न लागेको आरोप लगाएकी छन् ।

‘उहाँको राजनीतिक निष्ठापूर्ण जीवनलाई बदनाम गर्ने निहीत स्वार्थपूर्ति गर्ने केही व्यक्ति वा संस्थाहरु लागिरहेकोमा म घोर भत्सर्ना गर्दछु’,उनले स्पष्ट पार्दै भनेकी छन् ‘उहाँ हाम्रो यो आर्थिक विषयमा न हिजो संलग्न हुनुहुन्थ्यो, न आज संलग्न हुनुहुन्छ ।’

यसैबीच श्री याम्बलिङ हाइड्रोपावर प्रालिले पनि आर्थिक लेनदेनमा नेता श्रेष्ठको कुनै भूमिका नरहेको स्प्पष्ट पारिसकेको छ ।प्रालिले नेता श्रेष्ठको नाम जोडि उनको चरित्र हत्या गर्ने उद्देश्यले आएका, भ्रामक कपोल्कल्पीत एवम् राजनैतिक दुरासययुक्त भावनाले सम्प्रेषण भएको बताएको छ ।
‘पूर्व उप्रधानमन्त्री एवम् नेकपाका प्रवत्ता जस्तो व्यक्तिले आफू निकट व्यक्ति श्री कमानसिंह लामाले उठाएको विवादलाई उहाँकै अनुरोधमा समाधान गर्ने प्रयास स्वरुप भए गरेको छलफललाई अन्यथा भन्न मिल्दैन।’ विज्ञप्तिमा भनिएको छ ।

नेकपाका प्रवक्तासमेत रहेका नेता नारायणकाजीलाइ श्रेष्ठ एक भिडियो प्रकरणसँगै विवादमा ल्याइएको थियो । नेकपाका केन्द्रीय सदस्य एवं पूर्वसांसद कमानसिंह लामाको मृत्युपछि श्रेष्ठ र लामाबीच लेनदेनको कुराकानी भएको भिडियो बाहिरिएसँगै उनी विवादमा परेका थिए ।

भिडियोमा प्रवक्ता श्रेष्ठ र कमानसिंह लामाबीच साढे दुई करोड पैसाको लेनदेनबारे कुराकानीमा प्रवक्ताकी स्वीकय सचिव सुसन कर्माचार्यको नाम समेत जोडिएको थियो ।