Sansar News
काठमाडौं – अख्तियारका पुर्व प्रमुख दीपकुमार बस्न्यातलाई विशेष अदालतले थुनामा राख्न आदेश दिएको छ । ललितानिवास कम्पाउन्डभित्रको सरकारी जग्गा हिनामिना प्रकरणमा बस्नेतलाई अभियुक्त बनाइएको थियो ।
आइतवार बयान र थुनछेक बहसपछि विशेष अदालतले थुनामा राख्न आदेश दिएको हो । विशेष अदालतका अध्यक्ष न्यायाधीश प्रेमराज कार्की, न्यायधीशहरु अजिज मुसलमान र नित्यानन्द पाण्डेयको विशेष इजलासले बस्न्यातलाइ थुनामा पठाउने आदेश दिएको हो ।
बस्न्यातविरुद्ध अख्तियारले जनही ९ करोड ६५ लाख ७५ हजार बराबरको बिगो मागदाबी गरेर मुद्धा दायर गरेको थियो ।
वि.सं.२०७७ मंसिर २८ आइतवार १९:११ मा प्रकाशित
