हामी सबैकाे संसारन्यूज

१ पुष, काठमाडौँ । जिल्ला सिरहा, श्री आधारभूत प्राथमिक विद्यालयका शिक्षक भोगीलाल यादव नक्कली स्थायी अध्यापन अनुमतिपत्र बुझाएको कारण पक्राउ परेका छन् ।

शिक्षक यादवले नक्कली स्थायी अध्यापन अनुमति–पत्र बनाई अस्थायी शिक्षकमा नियुक्ति लिएकोले छानबिन गरी कानूनी कारवाही हुन भन्ने उजुरी निवेदन सम्बन्धमा अनुसन्धान हुँदा निजले उक्त विद्यालय धन्छवारमा लागत अनुदान अस्थायी शिक्षक पदको लागि नक्कली स्थायी अध्यापन अनुमतिपत्रको प्रमाणपत्र पेश गरी अस्थायी शिक्षक पदमा नियुक्ति लिई राष्ट्रसेवकको ओहोदा प्राप्त गरी लामो समयसम्म अध्यापन गरी लाभसमेत लिएको हुँदा अख्तियारले पक्राउ गरेको हो ।

पक्राउ परेका निज यादवलाई भ्रष्टाचार निवारण बमोजिम सजाय हुन मागदाबी लिई आज विशेष अदालत, काठमाडौंमा आरोप–पत्र दायर गरेको अख्तियारले जनाएको छ ।