हामी सबैकाे संसारन्यूज

३ पुस, काठमाडौं । नेपालमा शुक्रबार (३ पुस) सम्म पिसीआर प्रविधिबाट १८ लाख ६१ हजार ४३० वटा कोरोना भाइरसको नमुना परीक्षण गरिएको छ ।

जसमा पछिल्लो २४ घण्टामा देशैभरी पिसीआर प्रविधिबाट ५ हजार ७०६ वटा नमुना परीक्षण गरिएको स्वास्थ्य तथा जनसंख्या मन्त्रालयले जानकारी दिएको छ ।

त्यसैगरी हालसम्म देशैभरी संक्रिय संक्रमित ९ हजार ३१७ जना रहेका छन् । ती मध्ये देशका विभिन्न अस्पताल तथा आइसोलेशन सेन्टरहरुमा ३ हजार ४८३ जनाको उपचार भइरहेको छ । साथै होम आइसोलेसनमा बस्नेको संख्या ५ हजार ८३४ रहेको छ ।

त्यस्तै देशभरका विभिन्न अस्पतालको आइसीयुमा २८३ जना संक्रमित उपचाररत छन् । मन्त्रालयका अनुसार प्रदेश १ मा २३, प्रदेश २ मा ११, बागमती प्रदेशमा १०६, गण्डकी प्रदेशमा ७९, लुम्बिनी प्रदेशमा ५०, कर्णाली प्रदेश र सुदूरपश्चिममा ७÷७ जना गरी जम्मा २८३ जना आइसीयुमा उपचाररत छन् ।

त्यसैगरी प्रदेश १ मा ४ जना, प्रदेश २ मा १ जना, बागमती प्रदेशमा २६ जना, गण्डकी प्रदेशमा १० जना, लुम्बिनी प्रदेशमा ३ जना, कर्णाली प्रदेशमा ३ जना र सुदूरपश्चिम प्रदेशमा २ जना गरी जम्मा ४९ जना भेन्टिलेटरमा उपचाररत छन् ।

त्यस्तै ५०० भन्दा बढी संक्रमित उपचार रहेको जिल्ला काठमाडौं ललितपुर र कास्की रहेका छन् ।

यसैगरी क्वारेन्टिनमा ४२७ जना रहेका छन् भने शून्य संक्रमित रहेको जिल्ला मनाङ रहेको छ ।

त्यस्तै आज थपिएका ७८२ जनासँगै नेपालमा हालसम्मको कूल संक्रमितको संख्या २ लाख ५२ हजार ४७४ पुगेको छ । साथै आज १०२९ जना निको भएसँगै नेपालमा हालसम्म कोरोना संक्रमणबाट मुक्त हुनेको संख्या २ लाख ४१ हजार ३९२ पुगेको छ ।

आज १६ जना थपिएसँगै नेपालमा हालसम्म कोरोना संक्रमणबाट ज्यान गुमाउनेको संख्या १७६५ पुगेको छ ।

आज देशैभरी ७८२ जना संक्रमित, १०२९ जना निको
आज देशैभरी ७८२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएको ५ हजार ७०६ नमुना परीक्षणमा उपत्यकाका २८७ जनासहित देशैभरी ७८२ जना कोरोना संक्रमित थपिएका हुन् । जसमा महिला ३०५ र पुरुष ४७७ जना रहेका छन् ।

मन्त्रालयका अनुसार आज थपिएका संक्रमित मध्ये प्रदेश १ मा ४४, प्रदेश २ मा ९६, बागमती प्रदेशमा ३३९, गण्डकी प्रदेशमा ८२, लुम्बिनी प्रदेशमा १२५, कर्णाली प्रदेशमा २५ र सुदूरपश्चिम प्रदेशमा १४१ जना रहेका छन् ।

आज थपिएका ७८२ जनासँगै नेपालमा कोरोना संक्रमतिको कूल संख्या २ लाख ५२ हजार ४७४ पुगेको छ ।

त्यसैगरी आज देशैभरी १०२९ जना कोरोना संक्रमित संक्रमणबाट मुक्त भएका छन् । आज निको भएका १०२९ जनासँगै नेपालमा कोरोना संक्रमणबाट मुक्त हुनेको कुल संख्या २ लाख ४१ हजार ३९२ पुगेको छ । निको हुनेको यो दर ९५.६ प्रतिशत हो ।

कति छन् त होम आइसोलेसनमा ?
स्वास्थ्य मन्त्रालयका अनुसार हालसम्म ५ हजार ८३४ जना कोरोना संक्रमित होम आइसोलेसनमा रहेका छन् ।
जसमा प्रदेश १ मा २९८, प्रदेश २ मा ४९, बागमती प्रदेशमा २,९४७, गण्डकी प्रदेशमा ८८४, लुम्बिनी प्रदेशमा ९०७, कर्णाली प्रदेशमा ९१ र सुदूरपश्चिम प्रदेशमा ६५८ जना गरी ५ हजार ८३४ जना रहेका छन् । साथै देशका विभिन्न अस्पताल तथा आइसोलेसन सेन्टरमा ३ हजार ४८३ जनाको उपचार भइरहेको छ ।

कोरोना संक्रमणबाट नेपालमा आज १६ जनाको निधन
नेपालमा पछिल्लो २४ घण्टामा कोरोना संक्रमणबाट १६ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार देशैभरीका विभिन्न जिल्लामा आज १६ जना कोरोना संक्रमितको मृत्यु भएको हो ।
आज थपिएका १६ जनासँगै नेपालमा कोरोना संक्रमणबाट ज्यान गुमाउनेको संख्या १७६५ पुगेको छ ।

यस्तो छ हेर्नुहोस् नेपालमा पुस २ गतेसम्मको कोरोना अपडेटको पूर्ण विवरण