हामी सबैकाे संसारन्यूज

एवोकाडोमा धेरै प्रकारका पोषक तत्वहरू पाइन्छ । राम्रो छाला र वजन घटाउनका लागि एवोकाडोका फाइदाहरू बारे धेरैलाई थाहा छ, तर एउटा नयाँ अध्ययनले एभोकाडो आन्द्राहरूका लागि धेरै फाइदाजनक भएको दाबी गरेको छ । अमेरिकाको इलिनोइस विश्वविद्यालयको कृषि, उपभोक्ता र वातावरणीय विज्ञान विश्वविद्यालयको अध्ययनमा यो जानकारी उजागर भएको छ । अध्ययनले भन्छ कि हरेक दिन एभोकाडो खानु स्वास्थ्यको लागि फाइदाजनक छ ।

एवोकाडो एक स्वस्थ खाना हो, जुन फाइबर र मोनोअनसेचुरेटेड फ्याटमा धनी हुन्छ । यी दुबै चीजले आन्द्राको कीटाणुहरूलाई असर गर्दछ । यो अध्ययन जर्नल अफ न्यूट्रिशनमा प्रकाशित भएको छ । उक्त अध्ययनका प्रमुख लेखक शेरोन थम्पसनले भनेका छन्, ‘हामीलाई थाहा छ कि एभोकाडो खानाले पेट भर्छ, रगतमा कोलेस्ट्रोलको मात्रा घटाउँछ, तर यसले आन्द्राको सूक्ष्मजीवहरूलाई कसरी असर गर्छ भन्ने कुरा हामीलाई थाहा थिएन ।’

शोधकर्ताहरूले पत्ता लगाए कि जो मानिस दिनहुँ एभोकाडो खाने गर्दछन् उनीहरूको आन्द्राको सूक्ष्मजीवहरूको संख्या बढी हुन्छ । यी सूक्ष्मजीवहरूले मेटाबोलिज्म बढाउने फाइबरलाई राम्ररी काट्छन् जसले आन्द्राहरूलाई स्वस्थ राख्छ । उक्त अध्ययनले पत्ता लगायो कि एभोकाडो नखानेहरूको तुलनामा खानेहरुको शरीरमा थुप्रै प्रकारका सूक्ष्मजीवहरू पाइन्छन् जसले ब्याक्टेरियासँग लड्न मद्दत गर्दछन् ।

लेखक थम्पसनका अनुसार एभोकाडोको सेवनले पित्त एसिड घटाउँछ र शर्ट चेन फ्याट्टी एसिड बढाउँदछ । यो अध्ययन ४५ देखि २५ वर्ष बीचका स्वस्थ मानिसहरूमा गरिएको थियो । यी व्यक्तिहरूले बिहानको खाजा, खाजा वा डिनरमा रहेक दिन एक समय एभोकाडो खाएका थिए । यी समूहहरूमध्ये एक समूलाई केही दिन खानका लागि एभोकाडो पनि दिइयो जबकि अर्को समूहलाई एभोकाडो बिना नै खाना दिइयो ।

अध्ययनमा सहभागीहरूले १२ हप्ताको अध्ययनका क्रममा उनीहरूको रगत, मूत्र र मलको नमूना दिएका थिए । उनीहरुले खाना कति खाए भनेर पनि भने । हरेक चार हप्ता यस बारेमा जानकारी दिएका थिए । यसअघि एभोकाडोमा सबै अनुसन्धान वजन घटाउने आधारित थियो तर यस अध्ययनमा सहभागीहरूको आहारमा कुनै परिवर्तन गरिएको थिएन ।

अन्वेषकहरूले एवोकाडो नखानेहरूको तुलनामा खानेहरुको शरीरको क्यालोरीमा केही बढी पाए । यो अध्ययन पाचन प्रणालीको सूक्ष्मजीवहरूमा एभोकाडोको प्रभाव जान्ने उद्देश्यले गरिएको थियो । उक्त अध्ययनका वरिष्ठ लेखक होल्शरका अनुसार एवोकाडो खाने समूहको दिसामा एसिडहरू कम र फ्याटयुक्त थिए । ।

भिन्नभिन्न प्रकारको फ्याटको माइक्रोबायोमहरूमा फरक फरक प्रभाव हुन्छ । एवोकाडोमा पाइने फ्याट मोनोस्याच्युरेटेड जसले मुटुलाई स्वस्थ राख्छ । अध्ययनका अनुसार मध्यम आकारको एवोकाडोमा करिब १२ ग्राम फाइबर हुन्छ जसले प्रतिदिन शरीरलाई चाहिने मात्र पुरा गर्दछ ।