Sansar News
१३ पौष, काठमाडौं । बैंक अफ काठमाण्डू लिमिटेड र यल्लो प्यगोडा होटलबिच छुटसम्बन्धी सम्झौता भएको छ ।
बैंकको डेबिट, क्रेडिट कार्ड तथा मोबाईल बैंकिङ्गको माध्यमबाट भुक्तानी गर्दा बैंकको आदरणीय ग्राहकवहरुलाई १५ प्रतिशत छुट र ३५०० मा होटलको कोठा उपलब्ध गराउने सम्बन्धी सम्झौता भएको हो ।
यस सम्झौता पश्चात् ग्राहकहरुले यल्लो प्यगोडा होटलको सेवाहरु उपभोग वापत बैंकको कार्ड तथा मोबाईल बैंकिङ्गको प्रयोग गरी भुक्तानी गर्दा होटलको कोठा ३५०० (सर्तहरु लागु हुनेछन्) शुल्कमा उपभोग गर्न पाउने तथा अन्य सुविधाहरुमा वास्तविक मुल्यको १५ प्रतिशत छुट पाउनेछन् ।
यल्लो प्यगोडा होटलले काठमाडौं र पोखराबाट सेवाग्राहीहरुलाई गुणस्तरीय सेवा तथा सुबिधाहरु प्रदान गर्दै आईरहेको छ । उक्त सम्झौतामा बैंकका कार्ड विभाग प्रमुख अमर राजभण्डारी र यल्लो प्यगोडा होटलको महाप्रबन्धक अर्जुन केशीूले हस्ताक्षर गरेका हुन् ।
बैंक अफ काठमाण्डूले ९१ शाखा कार्यालयहरु, ७८ एटिएम र १० एक्स्टेन्सन काउन्टरबाट आफ्ना ग्राहकहरुलाई उत्कृष्ट बैंकिङ्ग सुविधा प्रदान गर्दै आईरहेको छ ।
वि.सं.२०७७ पुस १३ सोमवार ११:४८ मा प्रकाशित
