हामी सबैकाे संसारन्यूज

१३ पुस, काठमाडौं । एकै वर्षमा तीन अभिभावको मृत्यु भएपछि अभिभावक विहिन बनेका १२ वर्षीय बालक युवराज कुमाललाई जापान र पोल्याण्डबाट आर्थिक सहयोग गरिएको छ ।

ऐक्यबद्धता मासिक तथा संसारन्युजकी प्रबन्ध सम्पादक तथा सोलिडारिटी ट्रष्टकी अध्यक्ष चन्द्रिका राना थापा (चन्दा) को पहलमा जापानमा रहेका नारायण स्टेभेन्टले छोरीको जन्मदिनको अवसर पारेर १० हजार ६५० रुपैयाँ र पोल्याण्डबाट मित्रलाल पार्देले २० हजार रुपैयाँ गरी जम्मा ३० हजार ६५० रुपैयाँ आर्थिक सहयोग पठाइएका हुन् ।

उक्त रकम सोमबार (पुस १३ गते) युवराजकी आमा सोमती कुमालको नाममा एनआइसी एसिया बैंक मुगु साखामा रहेको खाता नं मा ८१८७९५१२३६४५२४०१ पठाइएको हो ।

थापाकै पहलमा यसअघि पनि अमेरिकाबाट समाजसेवी सवि थापाको पहलमा संकलन गरिएको १ लाख रुपैयाँ पत्रकार महासंघ मुगु साखाका अध्यक्ष नृपेन्द्र बहादुर मल्लद्धारा हस्तान्तरण गरिसकिएको छ ।

मुगु जिल्ला छायाँनाथ रारा नगरपालिका वडा नं ११ का युवराज कुमालको हजुरबुवा, बुवा र हजुरआमाको एकैवर्षमा मृत्यु भएपछि उनी अभिवभावक बिहिन बनेका थिए । आमा सोमती कुमाल एक्लैले छिमेकी तथा माइतीबाट मागेर ४ छोराछोरीको लालन पालन गर्दै आएकी छन् । उनीहरुको शिक्षा दिक्षाका लागि उक्त रकम सहयोग गरिएको हो ।

एकैवर्षमा तीन अभिभावक गुमाएका मुगुका बाह्र वर्षीय बालक युवराजलाई देश-विदेशबाट आर्थिक सहयोग

एकै बर्षमा बाबु, बाजे र बजैको मृत्यु, मागेर किरिया बस्दै १२ वर्षीय बालक