हामी सबैकाे संसारन्यूज

काठमाडौं । अभिनेता दिलीप रायमाझी अभिनीत ‘लाख बिन्ती’ बोलको गीतको भिडियो सार्वजनिक गरिएको छ ।फिल्म निर्देशक राजु अधिकारीको निर्देशनमा बनेको भिडियोमा दिलीपका साथमा विन्दिया शाही, निक शर्मा, सपनकुमार थापाले अभिनय गरेका छन् ।

रामकृष्ण ढकालको स्वर, राम कँडेलको शब्द र सरोज प्याकुरेलको संगीत रहेको गीतको भिडियो युट्युव च्यानल मान्सा मान्सभी क्रियसनमा अपलोड गरिएको हो।

लब्ली नवीनको प्रस्तुति र सरला भण्डारी अधिकारी निर्माता रहेको भिडियोमा रवीन्द्र बरालको छायांकन, राजेश कुमारको सम्पादन र आशुतोष अधिकारीको प्राविधिक निर्देशन रहेको भिडियोको मुख्य सहायक निर्देशक दीपक अधिकारी छन्। गीतको भावअनुसार भिडियोमा दाम्पत्य जीवनमा हुने असमझदारी र उतावचढावलाई प्रस्तुत गरिएको छ ।