Sansar News
स्याङ्जा – केपी शर्मा ओली निकट नेपाल कम्युनिष्ट पार्टी (नेकपा) स्याङ्जाले जिल्ला भेला सम्पन्न गरेको छ । पुर्व एकिकृत पार्टीमा रहेका करिब ६४ प्रतिशत जिल्ला कमिटिका सदस्यहरुको सहभागिता सहित उत्साहपुर्वक ढंगले जिल्ला भेला सम्पन्न भएको जिल्ला अध्यक्ष सुर्य प्रसाद गैह्रे (पारस) ले बताए ।
स्याङ्जा जिल्ला सदरमुकाम स्थित सिटी हलमा सम्पन्न भएको कार्यक्रममा गण्डकी प्रदेशका मुुख्यमन्त्री तथा पार्टी स्थायी कमिटि सदस्य पृथ्वी सुब्बा गुरुङ, गण्डकी प्रदेश पार्टी कमिटिका सचिव गोविन्द नेपाली लगाएतले मन्तव्य राखेका थिए ।
पार्टी भेलाको अध्यक्षता पार्टी जिल्ला अध्यक्ष सुर्य प्रसाद गैह्रे र सञ्चालन पार्टी केन्द्रिय सदस्य तथा आँधिखोला गाउँपालीकाका अध्यक्ष सुधिर पौडेलले गरेका थिए ।
वि.सं.२०७७ पुस १४ मंगलवार १८:२९ मा प्रकाशित
