Sansar News
१६ पुस, काठमाडौं । नेपालका लागि भारतीय राजदूत विनयमोहन क्वात्राले स्वास्थ्य तथा जनसंख्या मन्त्री हृदयदेश त्रिपाठीलाई भेटेका छन् ।
प्रधानमन्त्री केपी शर्मा ओलीले मन्त्रिमण्डलको थप विस्तार गरेसँगै स्वास्थ्यमन्त्री बनेका हृदयदेश त्रिपाठीलाई भेटेर राजदूत क्वात्राले बधाई तथा शुभकामना व्यक्त गरेका छन् ।
मन्त्री त्रिपाठीको सचिवालयले बिहिबार राजदूत क्वात्रा र मन्त्री त्रिपाठीबीच शिष्टाचार भेटवार्ता भएको जानकारी दिएको छ ।
राजदूत क्वात्राले यसअघि पनि उर्जामन्त्री टोप बहादुर रायमाझीलाई पनि भेटेका थिए ।
भेटका क्रममा संयुक्त परियोजनाहरूको कार्यान्वयन र द्विपक्षीय उर्जा सहकार्यलाई अघि बढाउने बिषयमा छलफल भएको राजदूत क्वात्राले बताएका थिए ।
वि.सं.२०७७ पुस १६ बिहीवार १२:०२ मा प्रकाशित
