हामी सबैकाे संसारन्यूज

भाद्र २२ गतेका दिन सरकारले निजामती सेवा दिवस मनाउन थालेदेखि एकजनालाई सर्वोत्कृष्ट निजामती सेवा पुरस्कार, दशजनालाई उत्कृष्ट निजामती सेवा पुरस्कार र तिसजनालाई निजामती सेवा पुरस्कार दिन थाल्यो । निजामती दिवस मनाएर निजामती सेवा पुरस्कार दिन थालेपछि हुलाकमा काम गर्ने खरिदार प्रेमकुमार मैले पनि एकपटक जसरी भएपनि निजामती पुरस्कार पाइ छाड्छु मनमनै भन्यो । कर्मचारीले पाउने तिस दिन घरविदा पनि उसको ल्याप्स हुने गर्दथ्यो । घरमा बस्नभन्दा कार्यालयमा गएर काम गर्न नै उसलाई ठूलो इच्छा लाग्दथ्यो ।

एकदिनको कुरा हो निजामती सेवा दिवस आउन लाग्दा उसले काम गर्ने कार्यालयको हाकिमसाहेबले उसलाई बोलाएर “यसपाली तपाईको नाम निजामती सेवा पुरस्कारको लागि हामीले सिफारिश गरेर पठाउदैछौ नि” भने । यसपाली मैले निजामती सेवा पुरस्कार पाउने भए भनेर उसको मन साह्रै नै प्रसन्न भयो । निजामती सेवा दिवसको दिनमा पुुरस्कार पाउने कर्मचारीहरुको नाम सार्वजनिक गर्दा उसको नाम परेन । उसको नाम नपरेपछि उसको मन साह्रै नै अँध्यारो भयो । त्यसदिन देखि उसको अनुहारपनि अँध्यारो देखियो । उसको नोकरी उनन्तीस वर्ष पुरा भएको थियो । तिस वर्ष पुरा भएपछि उसले कार्यालयमा हाकिमसाहेबसँग राजिनामाको निवेदन लेखेर पेश ग¥यो । हाकिमसाहेबले उसलाई बोलाएर “जागिर किन छोड्न लाग्नु भयो नि ?” भने । उसले “सर हामीजस्तो आफूले पाउने घरविदा एकदिन पनि नलिएर सधैँभरि कार्यालयमा आएर काम गर्नेलाई सरकारले पुरस्कार नदिएपछि मलाई काम गर्न मन लागेन त्यसैले मैले राजिनामा दिएको हुँ” भने । “राम्रोसँग काम गर्दै जाँदा अहिलेसम्म तपाईले पुरस्कार नपाएपनि पुरस्कार पाउने दिन आएपछि एक न एक दिन पाइहाल्नु हुन्छ नि” हाकिमसाहेबले भने ।

सामाखुशी मार्ग, सरकारी धारा, काठमाडौं