हामी सबैकाे संसारन्यूज

काठमाडौं । नेपाली हाँस्य टेलि श्रृंखला ‘मेरी बास्सै’ की हाँस्य कलाकार चम्सुरी अर्थात पल्पसा डँगोलको आफ्नै स्वरमा रहेको ‘काली काली दिलवाली’ बोलको गीत सार्वजनिक भएको छ । नयाँ वर्ष २०२१ को अवसर पारेर उक्त गीत सार्वजनिक गरिएको हो ।

दुबईको विभिन्न रमणीय स्थलमा छायाँकन गरिएको सार्वजनिक गीतको भिडियोमा पल्पसाकै अभिनय देख्न सकिन्छ । उनले यो गीतमा आफुले यात्रा गर्दाको दृष्यलाई समेटेर यात्राप्रधान म्युजिक भिडियोको रुपमा बनाएकी छिन् र उक्त भिडियोको निर्देशन पनि आफैँले गरेकी छन् ।

आफ्नै युट्युब च्यानलमार्फत सार्वजनिक गरेकी पल्पसाको उक्त भिडियोलाई रबिन भट्ट र अशोक चौधरीले सम्पादन गरेका छन् भने भिडियोलाई पवन डँगोलले खिचेका हुन् । हास्य अभिनेत्रीको रुपमा परिचित उनले आफुलाई गायनमा पनि अघि बढाउँदै छिन् ।